Skip to main content
ministre showcase

ⵎⴰⵙⵙ ⴰⵃⵎⴰⴷ ⵕⵃⵃⵓ ⵉⵙⵏⵓⴱⴳ ⴰⵏⵎⵀⴰⵍ ⵏ ⵓⵙⵉⵔⴰ ⵏ ⵍⵢⵓⵏⵉⵙⴽⵓ ⴳ ⵕⵕⴱⴰⵟ

  • Accueil
  • ⵎⴰⵙⵙ ⴰⵃⵎⴰⴷ ⵕⵃⵃⵓ ⵉⵙⵏⵓⴱⴳ ⴰⵏⵎⵀⴰⵍ ⵏ ⵓⵙⵉⵔⴰ ⵏ ⵍⵢⵓⵏⵉⵙⴽⵓ ⴳ ⵕⵕⴱⴰⵟ
date icon

ⵉⵙⵏⵓⴱⴳ ⵎⴰⵙⵙ ⴰⵃⵎⴰⴷ ⵕⵃⵃⵓ, ⴰⵎⴰⵡⵙⴰⵙ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵙⵏⴼⵍ ⴰⵎⵓⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ, ⴰⵙⵙ ⵏ ⵓⴽⵡⴰⵙ 19 ⵏⵓⵡⴰⵏⴱⵉⵔ 2026 ⴳ ⵕⵕⴱⴰⵟ, ⵎⴰⵙⵙ ⵛⴰⵕⴰⴼ ⴰⵃⵎⵉⵎⵉⴷ, ⴰⵏⵎⵀⴰⵍ ⵏ ⵓⵙⵉⵔⴰ ⵏ ⵜⵎⴰⴷⴷⴰⵙⵜ ⵏ ⵜⵎⵜⵜⴰ ⵉⵎⵓⵏⵏ ⵏ ⵓⵙⴳⵎⵉ ⴷ ⵜⵓⵙⵙⵏⴰ ⴷ ⵜⴷⵍⵙⴰ (ⵍⵢⵓⵏⵉⵙⴽⵓ) ⴳ ⵕⵕⴱⴰⵟ.

ⵉⴳⴰ ⵓⵎⴰⴳⵔ ⴰⴷ ⵢⴰⵜ ⵜⵎⵍⴷⴰ ⵏ ⵓⵎⵔⴰⵔⴰ ⵏ ⵜⴰⵏⵏⴰⵢⵉⵏ ⵅⴼ ⵉⵎⵏⵉⴷⵏ ⵏ ⵓⵎⵢⴰⵡⴰⵙ ⴳ ⵉⴳⵔⴰⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵙⵏⴼⵍ ⴰⵎⵓⵟⵟⵓⵏ ⴷ ⵓⵙⵓⵜⴳ ⵏ ⵡⴰⵢⴷⴰ ⴰⴷⵍⵙⴰⵏ ⴳ ⵜⵙⵓⵜ ⵜⴰⵎⵓⵟⵟⵓⵏⵜ.

ⵎⴽⴷⴰ ⵙⴰⵡⵍⵏ ⵉⵎⴹⴰⴽⴰⵕⵏ ⴷ ⵜⵏⵥⴰⵕ ⵉⵣⴷⵉⵏ ⴰⴽⴷ ⵓⴱⵓⵖⵍⵓ ⵉⴷⴷⵔⴼⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵜⵙⵏⵙⵉⵡⵉⵏ ⵏⵏⵙ ⵉⵎⵢⴰⵏⴰⵡⵏ, ⴰⴽⴷ ⵓⵙⴷⴷⵉⴷ ⵅⴼ ⵡⴰⴷⴷⵓⵔ ⵏ ⵓⵙⵎⵔⵙ ⵏ ⵜⵎⵢⴰⴷⴰⵙⵜ ⵏ ⵓⵙⵔⵇⴱ ⵏ ⵡⴰⴷⴰⴼ ⵖⵔ ⵜⴽⵏⵓⵍⵓⵊⵉⵢⵉⵏ ⵜⵉⵜⵔⴰⵔⵉⵏ, ⴷ ⵓⵙⴷⵓⵙ ⵏ ⵜⵣⵎⵎⴰⵔ ⴰⴽⴷ ⵓⴽⴰⵎⴷ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ.

ⵢⵓⴷⴼ ⵓⵎⴰⴳⵔ ⴰⴷ ⴳ ⵓⵙⴰⵜⵉ ⵏ ⵓⵎⵙⴰⵡⴰⵍ ⴰⴽⴷ ⵜⵎⴰⴷⴷⴰⵙⵉⵏ ⴷ ⵓⵏⵏⵓⵕⵥⵎ ⵅⴼ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ ⵏⵏⴰ ⵉⵖⵉⵏ ⵉ ⵜⵎⵓⵏⵉ ⴰⴽⴷ ⵜⴷⵉⵏⴰⵎⵉⵜ ⵏ ⵓⵙⵏⴼⵍ ⴰⵎⵓⵟⵟⵓⵏ ⵏⵏⴰ ⵜⴰⵏⵏⴰⵢ ⵜⴳⵍⴷⵉⵜ, ⵙ ⵡⵉⵍⵍⵉ ⵔⴰⴷ ⵉⵥⵍⵉ ⵉⴳⵔⴰⵏ ⵖⵔ ⵉⵍⵍⴰ ⵓⴽⴰⵎⴷ ⴰⵏⵊⵎⵓ ⴷ ⵉⵏⵉⴳ ⵏ ⵉⵎⵏⵉⴷⵏ ⵉⵎⴰⵢⵏⵓⵜⵏ ⵏ ⵓⵎⵢⴰⵡⴰⵙ.

 
 

Subscribe to our newsletter