Skip to main content
ministre showcase

ⵎⴰⵙⵙ ⴰⵃⵎⴰⴷ ⵕⵃⵃⵓ ⵉⵙⵏⵓⴱⴳ ⴰⴽⴰⴱⴰⵕ ⵏ ⵜⴳⵔⵓⵎⵎⴰ ⵏ “ⵓⵕⴰⴽⵍ”

  • Accueil
  • ⵎⴰⵙⵙ ⴰⵃⵎⴰⴷ ⵕⵃⵃⵓ ⵉⵙⵏⵓⴱⴳ ⴰⴽⴰⴱⴰⵕ ⵏ ⵜⴳⵔⵓⵎⵎⴰ ⵏ “ⵓⵕⴰⴽⵍ”
date icon

ⵉⵙⵏⵓⴱⴳ ⵎⴰⵙⵙ ⴰⵃⵎⴰⴷ ⵕⵃⵃⵓ, ⴰⵎⴰⵡⵙⴰⵙ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵙⵏⴼⵍ ⴰⵎⵓⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ, ⴰⵙⵙ ⵏ ⵓⴽⵡⴰⵙ 19 ⵏⵓⵡⴰⵏⴱⵉⵔ 2026 ⴳ ⵕⵕⴱⴰⵟ, ⵢⴰⵏ ⵓⴽⴰⴱⴰⵕ ⵏ ⵜⴳⵔⵓⵎⵎⴰ ⵏ “ⵓⵕⴰⴽⵍ” (Oracle), ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⴰⵏⴷⵔⵉⵙ ⴳⴰⵔⵙⵢⴰⵙ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵉⵜⵜⵓⵙⵎⴰⴳⵍⵏ ⵙ ⵜⵙⵎⵓⵟⵟⵓⵏⵜ ⵜⴰⴽⵍⴰⵡⴷⵜ ⴳ ⴰⴼⵔⵉⵇⵢⴰ.

ⵉⴳⴰ ⵓⵎⴰⴳⵔ ⴰⴷ ⵢⴰⵜ ⵜⵎⵍⴷⴰ ⵏ ⵓⵎⵔⴰⵔⴰ ⵏ ⵏ ⵜⴰⵏⵏⴰⵢⵉⵏ ⵅⴼ ⵉⵎⵏⵉⴷⵏ ⵏ ⵓⵎⵢⴰⵡⴰⵙ ⴳ ⵉⴳⵔⴰⵏ ⵏ ⵓⴽⵍⴰⵡⴷ ⴷ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵔⵣⵣⵓ ⴷ ⵓⵙⴱⵓⵖⵍⵓ. ⵎⴽⴷⴰ ⵙⴰⵡⵍⵏ ⵉⵎⴹⴰⴽⴰⵕⵏ ⵅⴼ ⵉⵎⵍⴷⵉⵡⵉⵏ ⵏⵏⴰ ⵢⴰⴽⴽⴰ ⵓⴱⵓⵖⵍⵓ ⵏ ⵜⴽⵏⵓⵍⵓⵊⵢⵉⵏ ⵜⵉⵎⵓⵟⵟⵓⵏⵉⵏ ⵉ ⵜⵎⵓⵏⵉ ⴰⴽⴷ ⵓⵙⵏⴼⵍ ⴰⵎⵓⵟⵟⵓⵏ ⵏ ⵜⵎⵙⵙⵓⴳⴰⵔ ⵜⵉⴳⴷⵓⴷⴰⵏⵉⵏ, ⴷ ⵓⵙⵔⵇⴱ ⵏ ⵉⵙⵍⵍⵡⵉ ⴷ ⵓⵙⴷⵓⵙ ⵏ ⵜⵣⵎⵎⴰⵔ ⵜⵉⵎⵓⵟⵟⵓⵏⵉⵏ ⵏ ⵜⴳⵍⴷⵉⵜ.

ⵢⵓⴷⴼ ⵓⵎⴰⴳⵔ ⴰⴷ ⴳ ⵓⵙⴰⵜⵉ ⵏ ⵜⴷⵉⵏⴰⵎⵉⵜ ⵏⵏⴰ ⵅⴼ ⵜⴱⴷⴷⴰ ⵜⵎⴰⵡⴰⵙⵜ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵙⵏⴼⵍ ⴰⵎⵓⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ, ⵜⴰⵍⵍⵉ ⵉⵡⴰⵜⵜⵙⵏ ⴰⵙⴷⵓⵙ ⵏ ⵓⵙⴱⵓⵖⵍⵓ ⵏ ⵓⵏⴳⵔⴰⵡ ⴰⵎⵓⵟⵟⵓⵏ ⵉⵕⵡⴰⵏ ⵜⵉⵍⵉ ⴳⵉⵙ ⵜⵎⵣⵉⵣⵡⵔⵜ, ⵜⴱⴷⴷ ⵅⴼ ⵉⵙⵍⵍⵡⵉ ⴷ ⵜⴳⵎⵉ ⵏ ⵜⵥⴹⴰⵕⵉⵏ ⴷ ⵜⴽⵏⵓⵍⵓⵊⵉⵢⵉⵏ ⵉⵣⵣⵉⴳⵣⵏ.

ⴳ ⵓⵙⴰⵜⵉ ⴰⴷ, ⵉⴳⴰ ⵓⵎⵙⴰⵡⴰⵍ ⴰⴽⴷ ⵜⵎⵙⵙⵓⵔⵉⵏ ⵜⵉⵅⴰⵜⴰⵔⵉⵏ ⵏ ⵜⴽⵏⵓⵍⵓⵊⵉⵜ ⵜⴰⴳⵔⴰⵖⵍⴰⵏⵜ ⵢⴰⵜ ⵜⵎⵙⵙⵉⵍⵉⵜ ⵜⴰⵏⴼⵔⴰⵔⵜ ⵏ ⵉⵏⵉⴳ ⵏ ⵜⵎⵍⴷⵉⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵜⴷⵔⴰⵡⵜ, ⴷ ⵓⵙⴷⵓⵙ ⵏ ⵓⵎⵔⴰⵔⴰ ⵏ ⵜⵎⵓⵣⴰⵢⵉⵏ ⴷ ⵜⵎⵓⵏⵉ ⴰⴽⴷ ⵜⵉⵔⴰⵜⵉⵏ ⵏ ⵜⴳⵍⴷⵉⵜ ⴳ ⵉⴳⵔⴰⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵙⵏⴼⵍ ⴰⵎⵓⵟⵟⵓⵏ ⵓⵍⴰ ⴰⵙⵜⵔⴰⵔ ⵏ ⵉⵊⵎⵉⵍⵏ ⵉⴳⴷⵓⴷⴰⵏⵏ.

 
 

Subscribe to our newsletter