ⵜⴷⵔⴰ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙ ⴽⵕⴰⴹⵜ ⵏ ⵓⵙⵎⵏⵉⴷ ⵏ ⵓⴷⵍⵉⵙ ⵓⵎⵍⵉⵍ ⵏ “AUSIMètre 2026: Baromètre de la cybersécurité au Maroc”, ⵏⵏⴰ ⵜⵙⵏⵎⴰⵍⴰ ⵜⵎⵙⵎⵓⵏⵜ ⵏ ⵉⵏⵙⵎⵔⴰⵙⵏ ⵏ ⵉⵏⴳⵔⴰⵡⵏ ⵏ ⵜⵙⵏⵎⴰⵍⴰⵢⵜ ⴳ ⵍⵎⵖⵔⵉⴱ (AUSIM), ⵙ ⵜⴷⵔⴰⵡⵜ ⴰⴽⴷ ⵜⵎⵔⵙⵍⵜ ⵏ PwC

16 July 2026

ⵜⴷⵔⴰ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴰⵙⵙ ⵏ ⵓⴽⵡⴰⵙ 16 ⵢⵓⵍⵢⵓⵣ 2026, ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙ ⴽⵕⴰⴹⵜ ⵏ ⵓⵙⵎⵏⵉⴷ ⵏ ⵓⴷⵍⵉⵙ ⵓⵎⵍⵉⵍ ⵏ “AUSIMètre 2026: Baromètre de la cybersécurité au Maroc”, ⵏⵏⴰ ⵜⵙⵏⵎⴰⵍⴰ ⵜⵎⵙⵎⵓⵏⵜ ⵏ ⵉⵏⵙⵎⵔⴰⵙⵏ ⵏ ⵉⵏⴳⵔⴰⵡⵏ ⵏ ⵜⵙⵏⵎⴰⵍⴰⵢⵜ ⴳ ⵍⵎⵖⵔⵉⴱ (AUSIM), ⵙ ⵜⴷⵔⴰⵡⵜ ⴰⴽⴷ ⵜⵎⵔⵙⵍⵜ ⵏ PwC. ⵉⴳⴰ ⵓⵎⴰⴳⵔ ⴰⴷ ⵢⴰⵜ ⵜⵎⵍⴷⴰ ⵏ ⵉⵙⵎⴰⵏⵏ ⴽⵔⴰⵢⴳⴰⵜ ⵉⵎⴳⴳⴰⵢⵏ ⵉⴷⵙⵍⴰⵏⵏ ⴳ ⵢⵉⴳⵔ ⵏ ⵓⵏⴳⵔⴰⵡ ⴰⵎⵓⵟⵟⵓⵏ ⵃⵎⴰ ⴰⴷ ⵎⴹⴰⴽⴰⵕⵏ ⵅⴼ ⵜⵎⵙⵍⴰⵢⵉⵏ ⵉⵣⴷⵉⵏ ⴷ ⵜⵏⴼⵔⵓⵜ ⵜⴰⵙⵉⴱⵉⵕⴰⵏⵉⵜ, ⴷ ⵜⵍⵓⵖⵉ ⵜⴰⵎⵓⵟⵟⵓⵏⵜ ⴷ ⵡⴰⴱⴰⴹ ⴰⵜⵉⴽⵏⵓⵍⵓⵊⵉ.

ⴳ ⵜⴳⵓⵔⵉ ⵏⵏⵙ ⴳ ⵜⵎⵍⴷⴰ ⴰⴷ, ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⵜⴳⴰ ⵜⵏⴼⵔⵓⵜ ⵜⴰⵙⵉⴱⵉⵕⴰⵏⵉⵜ ⴰⵙⵙⴰ ⵢⴰⵜ ⵜⵔⵙⵍⵜ ⵜⴰⴷⵙⵍⴰⵏⵜ ⵏ ⵡⴰⴱⴰⴹ ⴰⵎⵓⵟⵟⵓⵏ, ⴷ ⵢⴰⵏ ⵓⴼⵔⴷⵉⵙ ⴰⵏⴼⵔⴰⵔ ⴳ ⵓⵚⵚⵕⵚⵓ ⵏ ⵜⵎⵢⵉⵎⴰⵏⵜ ⴳ ⵓⴱⵔⵉⴷ ⵏ ⵓⵙⵏⴼⵍ ⴰⵎⵓⵟⵟⵓⵏ, ⵜⴱⴷⵔ ⴰⵡⴷ ⵎⴰⵙ ⵜⴳⴰ ⵜⴰⵣⵣⴰⵣⵜ ⵉⵔⵏⴰⵏ ⵏ ⵓⵙⵎⵔⵙ ⵏ ⵜⵉⴽⵏⵓⵍⵓⵊⵉⵜ ⵜⴰⵎⵓⵟⵟⵓⵏⵜ, ⴳ ⵓⵙⴰⵜⵉ ⵏ ⵓⵣⵣⴳⵉⵔ ⵏ ⵜⵙⵜⵔⴰⵜⵉⵊⵉⵜ ⵏ ⵍⵎⵖⵔⵉⴱ ⴰⵎⵓⵟⵟⵓⵏ 2030 ⴷ ⵜⴽⴰⵕⴹⴰ ⵏ ⵓⴱⵔⵉⴷ AI Made in Morocco, ⵏⵏⴰ ⵉⵙⴽⴰⵔⵏ ⴰⵙⴷⵓⵙ ⵏ ⵜⵥⴹⴰⵕⵉⵏ ⵏ ⵜⵎⵔⵙⴰⵍ ⴷ ⵓⵙⵉⵣⵡⵔ ⵏ ⵉⵎⵉⵣⴰⵏ ⵉⵎⵓⵟⵟⵓⵏⵏ ⴷ ⵡⴰⵔⴰⵢ ⵣⴳ ⴳⵉⵙⵏ ⵓⵍⴰ ⴰⵎⵏⴰⵍⴰ ⴰⴽ ⵉⴷⵙ ⵙ ⵜⵥⴹⴰⵕⵜ ⴷ ⵜⵕⵡⵉ.

ⵎⴽⵏⵏⴰ ⵜⵙⴼⴰⵡ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵇⴰⵃ ⵜⵉⵙⵏⵜⴰⵢⵉⵏ ⵍⵍⵉ ⵜⵕⵥⵎ ⵜⴳⵍⴷⵉⵜ ⵃⵎⴰ ⴰⴷ ⵜⵚⵚⵕⵚⵓ ⵢⴰⵏ ⵓⵏⴳⵔⴰⵡ ⴰⵎⵓⵟⵟⵓⵏ ⴳ ⵜⵍⵍⴰ ⵜⵏⴼⵔⵓⵜ ⴷ ⵜⵍⵓⵖⵉ, ⴳ ⵓⵎⵣⵡⴰⵔⵓ ⵏⵏⵙ ⴰⵙⴷⵓⵙ ⵏ ⵓⵙⴰⵜⵉ ⴰⵎⴰⴷⴷⴰⵙ ⵏ ⵜⵎⵙⵙⵓⴷⵙⵜ ⵜⴰⴽⵍⴰⵡⴷⵜ, ⴷ ⵓⵙⴱⵓⵖⵍⵓ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵜⵉⵎⵓⵟⵟⵓⵏⵉⵏ ⴳ ⵉⵍⵍⴰ ⵡⴰⴱⴰⴹ ⵓⵍⴰ ⴰⵙⴷⵔⴼ ⵏ ⵓⵣⵓⵣⵣⵔ ⵏ ⵜⵉⴽⵏⵓⵍⵓⵊⵉⵜ ⵏ ⵜⵙⵓⵜ ⵜⵉⵙ ⵙⵎⵎⵓⵙ (5G), ⴷ ⵓⵙⵙⴰⵔⵓ ⴳ ⵜⴳⵎⵉ ⵏ ⵜⵙⵓⴳⴰⵔ ⵜⵉⵏⴰⵎⵓⵔⵉⵏ ⵙ ⵉⵙⵉⵏⴰⴳⵏ ⵏ ⵊⴰⵥⴰⵕⵉ ⴷ ⵜⵙⵏⵜⴰⵢⵜ ⵏ RallyIA.

ⴳ ⵜⴳⵉⵔⴰ ⵏ ⵜⴽⵛⵛⵓⵎⵜ ⵏⵏⵙ, ⵜⵙⵙⵓⵜⵔ ⵎⴰⵙⵙ ⵜⴰⵎⴰⵡⵙⴰⵙⵜ ⴰⴷ ⵢⵉⵍⵉ ⵓⵙⵎⵓⵙⵙⵓ ⴰⵎⴳⵔⵓ ⴳ ⴰⴽⴽⵯ ⴷⵔⴰⵏ ⵜⴼⵓⵍⵉⵏ ⵜⵉⵎⵏⵜⴰⵢⵉⵏ, ⴰⵎ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ, ⴷ ⵜⵎⵙⵙⵏⵜⴰⵢ ⵓⵍⴰ ⵔⵉⵎⵔⵙⴰⵍ ⵏ ⵜⵉⴽⴰⴷⵉⵎⵢⵉⵏ ⴷ ⵉⵎⵓⵣⴰⵢⵏ, ⵃⵎⴰ ⴰⴷ ⴳⵉⵏ ⵜⴰⵏⴼⵔⵓⵜ ⵜⴰⵙⵉⴱⵉⵕⴰⵏⵉⵜ ⴷ ⵢⴰⵜ ⵜⵎⵙⵙⵉⵍⵉⵜ ⵜⴰⵙⵜⵔⴰⵜⵉⵊⵉⵜ ⵏ ⵓⵙⴷⵓⵙ ⵏ ⵜⵎⵣⵉⵣⵡⵔⵜ ⵏ ⵜⴳⵍⴷⵉⵜ ⴷ ⵓⵚⵚⵕⵚⵓ ⵏ ⵡⴰⴱⴰⴹ ⵏⵏⵙ ⴰⵎⵓⵟⵟⵓⵏ.

A+ A-

You may be interested in

ⵜⵉⵙⵎⵉⴳⴰⵍ

ⴰⵎⵣⵔⴰⵢ

ⵜⴰⵎⴰⵡⵙⴰⵙⵜ

You may be interested in

Subscribe to our newsletter