ⵜⴷⵔⴰ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⴳ ⵜⵡⴰⵍⴰ ⵜⵉⵙ ⵜⴰⵎⵜ ⵏ ⵓⴷⵡⴰⵍ ⵏ ⵜⵎⵙⵎⵓⵏⵜ ⵏ ⵉⵏⵙⵎⵔⴰⵙⵏ ⵏ ⵉⵏⴳⵔⴰⵡⵏ ⵉⵎⵙⵏⵎⴰⵍⴰⵢⵏ ⴳ ⵍⵎⵖⵔⵉⴱ (AUSIM), ⵉⵜⵜⵓⵙⵏⵎⴰⵍⴰⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵙⵏⵔⵓ ⵕⴱⴱⵉ.

8 October 2026

ⴳ ⵜⴷⵔⴰⵡⵜ ⵏⵏⵙ ⴳ ⵜⵡⴰⵍⴰ ⵜⵉⵙ ⵜⴰⵎⵜ ⵏ ⵓⴷⵡⴰⵍ ⵏ ⵜⵎⵙⵎⵓⵏⵜ ⵏ ⵉⵏⵙⵎⵔⴰⵙⵏ ⵏ ⵉⵏⴳⵔⴰⵡⵏ ⵉⵎⵙⵏⵎⴰⵍⴰⵢⵏ ⴳ ⵍⵎⵖⵔⵉⴱ (AUSIM), ⴰⵙⵙ ⵏ 8 ⴽⵟⵓⴱⵕ 2026 ⴳ ⵟⴰⵏⵊⴰ, ⵉⵜⵜⵓⵙⵏⵎⴰⵍⴰⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵙⵏⵔⵓ ⵕⴱⴱⵉ, ⵅⴼ ⵉⵎⵔⵙⵉ ⵏ «AImpowering: ⴰⵙⵉⵥⴹⵕ ⵙ ⵉⵙⵍⵍⵡⵉ ⴷ ⵜⵖⵉⵙⵜⵉ ⴷ ⵓⴱⴰⴹ»,ⵜⵙⴷⴷⵉⴷ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴳⴰⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⵎⴰⵙ ⴷ ⴰⴱⴰⴹ ⴰⵎⵓⵟⵟⵓⵏ ⴰⵔ ⵜⵜⵓⵚⴽⴰ ⵙ ⵓⵏⵏⴱⴰⴹ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⴷ ⵜⵎⵓⵛⴰ ⴷ ⵜⵣⵎⵎⴰⵔ ⵏ ⵜⵙⵏⵎⴰⵍⴰⵢⵜ ⴷ ⵉⵣⵓⵔⴰⵜ ⵏ ⵜⵖⵉⵙⵜ ⵜⴰⵙⵎⴳⵓⵔⵜ, ⴷ ⵜⴳⵎⵉ ⵏ ⵜⵣⵎⵎⴰⵔ ⵜⵉⵏⴰⵎⵓⵔⵉⵏ.

ⵜⵙⵙⵎⵏⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ, ⴳ ⵜⴽⵛⵛⵓⵎⵜ ⵏⵏⵙ ⵉⵍⴰⵏ ⴰⵣⵡⵍ ⵏ «ⵜⵉⵖⵉⵙⵜ ⵜⴰⵙⵎⴳⵓⵔⵜ ⵉⴳⴰⵏ ⵜⴰⵎⴳⵓⵔⵉ ⵏ ⵍⵎⵖⵔⵉⴱ: ⴰⵙⴷⴷⵔⴼ ⵏ ⵓⴱⵔⵉⴷ ⵏ ⵓⵣⵣⴳⵉⵔ ⵏ ⵓⴱⴰⴹ», ⵜⴰⵏⵏⴰⵢⵜ ⵍⵍⵉ ⴷ ⵜⵉⵡⵉ ⵜⵎⴰⵡⴰⵙⵜ, ⵜⴱⴷⴷ ⵅⴼ ⵓⵙⴱⵓⵖⵍⵓ ⵏ ⵜⵖⵉⵙⵜ ⵜⴰⵙⵎⴳⵓⵔⵜ ⵜⴳⴰ ⵜⴰⵎⴽⴽⴰⴽⵜ ⴳ ⵉⵙⵓⴳⴰⵎ, ⵜⵓⴷⴷⵉⵣⵜ ⴷ ⵜⵎⵙⵜⴰⴳⴳⴰⵔⵜ, ⴰⵔ ⵜⵜⵓⵙⴱⵓⵍⴰ ⴳ ⵍⵎⵖⵔⵉⴱ, ⵉ ⵓⵊⵎⵉⵍ ⵏ ⵍⵎⵖⵔⵉⴱ, ⴷ ⵓⵏⵏⵓⵕⵥⵎ ⵅⴼ ⵓⵎⴰⴹⴰⵍ. ⴰⵔ ⵉⵣⴷⴷⵉ ⵓⵎⵏⵉⴷ ⴰⴷ ⴳⵔ ⵓⵙⵜⵔⴰⵔ ⵏ ⵜⵎⵙⵙⵓⴳⵓⵔⵜ ⴷ ⵓⵙⵖⵓⴷⵓ ⵏ ⵉⵊⵎⵉⵍⵏ ⵉⴳⴷⵓⴷⴰⵏⵏ ⴷ ⵜⴳⵎⵉ ⵏ ⵜⴷⴰⵎⵙⴰ ⵜⴰⵎⵓⵟⵟⵓⵏⵜ.

ⵖⵉⴽⵍⵍⵉ ⵜⵙⵙⴽⵜⵉ ⵙ ⵉⵡⵜⵜⴰⵙⵏ ⵏ ⵜⴽⴰⵕⴹⴰ ⵏ ⵓⴱⵔⵉⴷ «ⵍⵎⵖⵔⵉⴱ ⵏ ⵜⵖⵉⵙⵜ ⵜⴰⵙⵎⴳⵓⵔⵜ 2030», ⵉⴳⴰⵏ ⵜⴱⵣⴰⵔⵜ ⵙ ⵜⵎⵉⴹⵉ ⵏ ⵎⵍⵢⴰⵕ ⵏ ⵓⴷⵔⵀⵎ ⴳ ⵜⵢⴰⴼⵓⵜ ⵜⴰⴳⵏⵙⴰⵏⵜ ⵏ ⵓⵎⵙⴰⵔⵉ, ⴷ ⵓⵙⴽⴰⵔ ⵏ 50 ⵉⴼⴹ ⵏ ⵜⵔⵙⵓⵜ ⵏ ⵜⵡⵓⵔⵉ, ⴷ ⵓⵙⵎⵓⵜⵜⴳ ⵏ 200 ⵏ ⵉⴼⴹ ⵏ ⵜⵙⵓⴳⴰⵔ ⵖⵔ ⵓⵙⴳⴳⵯⴰⵙ 2030.

ⵎⴽⴷⴰ ⵜⵎⵍ ⵎⵏⵏⴰⵡ ⵏ ⵜⵙⴰⵡⵔⵉⵏ ⵉⵍⴰⵏ ⴰⵙⴰⵣⵡⵔ, ⵍⵍⵉ ⵢⵓⵎⴰⵏ ⴰⵙⴱⵓⵖⵍⵓ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⴷ ⵓⴱⴰⴹ ⴷ ⵓⵙⵀⵡⵏ ⵏ ⵡⴰⴷⴰⴼ ⵏ ⵉⵎⵔⵣⵓⵜⵏ ⴷ ⵜⵎⵙⵙⵏⵜⴰⵢ ⵜⵉⵎⴰⵢⵏⵓⵜⵉⵏ ⵙ ⵜⵣⵎⵎⴰⵔ ⵏ ⵜⵙⵏⵎⴰⵍⴰⵢⵜ, ⴷ ⵓⵚⵕⵚⵓ ⵏ ⵓⵥⵟⵟⴰ ⵏ ⵉⵙⵉⵏⴰⴳⵏ ⵏ «ⵊⴰⵣⴰⵔⵉ», ⴷ ⵓⵙⵖⵉⵡⵙ ⵏ ⵉⵣⵓⵔⴰⵜ ⵉⵎⵙⴰⵙⴰⵏ ⴷ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷ ⴷⴷⴰⵔⵉⵊⴰ ⴷ ⵜⵎⴰⵣⵉⵖⵜ, ⴷ ⵓⵙⴷⵓⵙ ⵏ ⵓⵙⵎⵓⵜⵜⴳ, ⴰⴽⴷ ⴰⵙⵓⵊⴷ ⵏ ⵜⵓⵙⵙⵏⴰ ⵏ ⵉⵎⵏⵣⴰⵢⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵣⴳ ⵜⵉⵎⵥⵉ.

ⵜⵙⴷⴷⵉⴷ ⴰⵡⴷ ⵅⴼ ⵡⴰⵜⵉⴳ ⵏ ⵓⵎⵓⵜⵜⵉ ⵣⴳ ⵜⵉⵔⵎⵉⵜⵉⵏ ⵜⵉⵎⵣⵡⵓⵔⴰ ⵙ ⵓⵙⵖⵣⵏ ⵏ ⵉⴼⵙⴰⵢⵏ ⵉⵕⵡⴰⵏ ⴳ ⵉⵊⵎⵉⵍⵏ ⵉⴳⴷⵓⴷⴰⵏⵏ, ⴳ ⵢⴰⵏ ⵓⵙⴰⵜⵉ ⵉⵙⴷⵓⵙⵏ ⵜⴰⵎⵢⵉⵎⴰⵏⵜ ⵓⵍⴰ ⴰⴹⴰⴽⴰⵍ ⵏ ⵓⴼⵔⴰⴳ ⵏ ⵜⵎⵓⵛⴰ ⴷ ⵜⴼⵍⴰⵙⵜ ⵜⴰⵙⵉⴱⵕⴰⵏⵉⵜ.

A+ A-

You may be interested in

ⵜⵉⵙⵎⵉⴳⴰⵍ

ⴰⵎⵣⵔⴰⵢ

ⵜⴰⵎⴰⵡⵙⴰⵙⵜ

You may be interested in

Subscribe to our newsletter