ⵜⴱⴷⴷⴰ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵍⵍⵉ ⵉⴳⴰⵏ ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⵏⵏⴰ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴰⵙⵙ ⵏ ⵓⵙⵉⵏⴰⵙ 2 ⵢⵓⵏⵢⵓ 2026, ⵅⴼ ⵓⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙ ⴽⵕⴰⴹⵜ ⵏ «Visa Fintech Day »

3 June 2026

ⵜⴱⴷⴷⴰ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵍⵍⵉ ⵉⴳⴰⵏ ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⵏⵏⴰ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴰⵙⵙ ⵏ ⵓⵙⵉⵏⴰⵙ 2 ⵢⵓⵏⵢⵓ 2026, ⵅⴼ ⵓⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙ ⴽⵕⴰⴹⵜ ⵏ «Visa Fintech Day »ⵍⵍⵉ ⵉⵜⵜⴰⵡⵙⵏⵎⴰⵍⴰⵏ ⴷⴷⴰⵡ ⵏ ⵜⵎⴰⵜⴰⵔⵜ ⵏ: “ⴰⵍⴰⵙ ⵏ ⵜⵓⵚⴽⴰ ⵏ ⵉⵏⴳⵔⴰⵡⵏ ⵏ ⵜⴼⵔⵉ ⴳ ⵜⴰⵙⵓⵜ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ”, ⵉⴳⴰ ⵓⵣⵎⵣⵣⵓ ⴰⴷ ⵢⴰⵏ ⵓⵎⵏⵉⴳⴰⵔ ⴰⴷⵙⵍⴰⵏ ⵍⵍⵉ ⵉⵙⵎⴰⵏⵏ ⵉⵎⴳⴳⴰⵢⵏ ⵏ ⵓⵏⴳⵔⴰⵡ ⴰⵥⵕⴼⴰⵏ ⴷ ⵓⵜⵉⴽⵏⵓⵍⵓⵊⵉ ⴷ ⵓⵎⵔⵙⴰⵍ, ⵃⵎⴰ ⴰⴷ ⵢⵉⵍⵉ ⵓⵎⴹⴰⴽⴰⵕ ⵅⴼ ⵉⵙⵏⴼⵍⵏ ⵉⵖⴱⴰⵏ ⵍⵍⵉ ⵜⵙⴽⴰⵔ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴳ ⵉⵊⵎⵉⵍⵏ ⵏ ⵜⴼⵔⵉ ⴷ ⵉⵙⵍⵍⵡⵉ ⴰⵥⵕⴼⴰⵏ.

ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴳ ⵜⴳⵓⵔⵉ ⵏⵏⵙ ⵙ ⵜⵎⵍⴷⴰ ⴰⴷ, ⵎⴰⵙ ⵉⴹⴼⴰⵕ ⵍⵎⵖⵔⵉⴱ ⴰⴱⵔⵉⴷ ⵏⵏⵙ ⴷⴷⴰⵡ ⵜⵏⴰⵔⴰ ⵜⵓⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵉⵙⵏⵔⵓ ⵢⴰⵡⵙ ⴰⵙ, ⴳ ⵓⵚⵕⵚⵚⵓ ⵏ ⵜⴷⴰⵎⵙⴰ ⵜⴰⵎⵓⵟⵟⵓⵏⵜ ⵜⴰⵜⵔⴰⵔⵜ, ⴳ ⵉⵍⵍⴰ ⵓⵎⵃⵉⵣⵡⴰⵔ. ⵜⴱⴷⵔ ⵎⴰⵙ ⴰⵔ ⵜⵙⵔⵓⵙ ⵜⵙⵜⵔⴰⵜⵉⵊⵉⵜ ⵜⴰⵏⴰⵎⵓⵔⵜ ⵏ “ⵍⵎⵖⵔⵉⴱ ⴰⵎⵓⵟⵟⵓⵏ 2030” ⴷ ⵜⴰⵏⵏⴰⵢⵜ ⵏ “IA Made in Morocco”ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵜⵉⵎⵓⵟⵟⵓⵏⵉⵏ ⵖⵔ ⵉⵍⵍⴰ ⵡⴰⴱⴰⴹ, ⴷ ⵜⵏⴼⵔⵓⵜ ⵜⴰⵙⵉⴱⵉⵕⴰⵏⵉⵜ, ⵓⵍⴰ ⴰⵙⵓⵜⴳ ⵏ ⵜⵎⵓⵛⴰ ⴳ ⵡⴰⵎⵎⴰⵙ ⵏ ⵜⵎⵀⵍⵜ ⵏ ⵓⵙⵏⴼⵍ ⴰⵎⵓⵟⵟⵓⵏ. ⵎⴽⵏⵏⴰ ⵜⵙⵙⴼⴰⵡ ⵜⵉⵍⴰⵍⵜ ⵜⴰⵏⴳⵎⵓⵜ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴳ ⵓⵙⴷⵓⵙ ⵏ ⵡⴰⵎⵎⴰⴽⵏ ⵏ ⵜⵉⴹⴰⴼ ⵏ ⵓⵎⴷⴰⵢ ⴷ ⵓⵙⴼⵙⵉ ⵏ ⵉⵎⵉⵣⴰⵏ, ⴷ ⵓⵙⵎⵓⵟⵟⵓⵏ ⵏ ⵜⵎⵀⴰⵍ ⵜⵉⵥⵕⴼⴰⵏⵉⵏ ⵓⵍⴰ ⴰⵙⵖⵓⴷⵓ ⵏ ⵜⵉⵔⵎⵉⵜ ⵏ ⵉⵏⵙⵎⵔⴰⵙⵏ.

ⵜⵙⴷⴷⵉⴷ ⴰⵡⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵅⴼ ⵡⴰⴷⴷⵓⵔ ⵏ ⵓⵚⵕⵚⵚⵓ ⵏ ⵜⵡⵏⵏⴰⴹⵜ ⵜⴰⵎⵓⵟⵟⵓⵏⵜ ⴳ ⵜⵍⵍⴰ ⵜⵎⵢⵉⵎⴰⵏⵜ ⴷ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ, ⴷ ⵓⵙⴷⵓⵙ ⵏ ⵉⵖⵉⵎⵉ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ, ⴷ ⵓⴹⴰⴽⴰⵍ ⵏ ⵜⵙⵓⵙⵖⵜ ⵏ ⵉⵏⴳⵔⴰⵡⵏ ⵉⵎⵉⵖⵉⵙⵏ. ⵜⵓⵍⵖ ⴳ ⵓⵙⴰⵜⵉ ⴰⴷ ⵜⴰⵏⴽⴷⴰ ⵏ “ⵓⴷⵍⵉⵙ ⵓⵎⵍⵉⵍ” ⵏ ⵜⵣⵣⵉⴳⵣⵜ ⵏ ⵜⵎⵙⵙⵓⵔⵉⵏ ⵏ ⵜⵉⴽⵏⵓⵍⵓⵊⵉⵜ ⵜⴰⵥⵕⴼⴰⵏⵜ (FinTech) ⴳ ⵍⵎⵖⵔⵉⴱ, ⵎⴰⵙ ⵉⴳⴰ ⵢⴰⵜ ⵏ ⵜⴱⵣⴰⵔⵜ ⵜⴰⵏⴼⵔⴰⵔⵜ ⴳ ⵜⵎⵓⵏⵉ ⴰⴽⴷ ⵓⵥⵟⵟⴰ ⵏ ⵢⵉⴳⵔ ⴰⴷ, ⴷ ⵓⵙⴷⵔⴼ ⵏ ⵓⵙⴱⵓⵖⵍⵓ ⵏ ⵓⵏⴳⵔⴰⵡ ⴰⵥⵕⴼⴰⵏ ⴳ ⵉⵍⵍⴰ ⵉⵙⵍⵍⵡⵉ ⴷ ⵜⴼⵍⵙⵜ, ⵜⵥⴹⴰⵕ ⴰⴷ ⵜⵙⴽⵔ ⵉⵣⴰⵍⵉⵡⵏ.

A+ A-

You may be interested in

ⵜⵉⵙⵎⵉⴳⴰⵍ

ⴰⵎⵣⵔⴰⵢ

ⵜⴰⵎⴰⵡⵙⴰⵙⵜ

You may be interested in

Subscribe to our newsletter