ⵜⵙⵙⵉⵅⴼ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⵜⴰⴼⵓⴳⵍⴰ ⵏ ⵓⵏⵏⵓⵕⵥⵎ ⵏ ⵓⵖⴰⵡⴰⵙ ⵏ «Nissaa’Gen Tech» ⵍⵍⵉ ⵉⵜⵜⴰⵡⵙⴱⵓⵖⵍⴰⵏ ⵙ ⵜⴷⵔⴰⵡⵜ ⴰⴽⴷ ⵜⵎⵙⵙⵓⵔⵜ ⵏ Dell Technologies

11 June 2026

ⵜⵙⵙⵉⵅⴼ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⵜⴰⴼⵓⴳⵍⴰ ⵏ ⵓⵏⵏⵓⵕⵥⵎ ⵏ ⵓⵖⴰⵡⴰⵙ ⵏ «Nissaa’Gen Tech» ⵍⵍⵉ ⵉⵜⵜⴰⵡⵙⴱⵓⵖⵍⴰⵏ ⵙ ⵜⴷⵔⴰⵡⵜ ⴰⴽⴷ ⵜⵎⵙⵙⵓⵔⵜ ⵏ Dell Technologies.

ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴳ ⵜⴳⵓⵔⵉ ⵏⵏⵙ, ⵅⴼ ⵓⴷⵔⵉⵣ ⴰⵏⵙⵎⴰⴷ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⵏⵏⴰ ⴳ ⵜⵍⵜⵖ ⵜⴳⵍⴷⵉⵜ, ⵜⴱⴷⵔ ⵎⴰⵙ ⴰⵔ ⵜⵙⵔⵓⵙ ⵜⵙⵜⵔⴰⵜⵉⵊⵉⵜ ⵏ “ⵍⵎⵖⵔⵉⴱ ⴰⵎⵓⵟⵟⵓⵏ 2030” ⴷ ⵜⴰⵏⵏⴰⵢⵜ ⵏ “ⵜⵉⵖⵉⵙⵜ ⵜⴰⵙⵎⴳⵓⵔⵜ ⵉⴳⴰⵏ ⵜⴰⵎⴳⵓⵔⵉ ⵏ ⵍⵎⵖⵔⵉⴱ”, ⵜⵉⴳⵎⵉ ⵏ ⵜⵥⴹⴰⵕⵉⵏ ⴷ ⵓⵙⵓⵜⴳ ⵏ ⵉⵎⴼⴽⵉⵜⵏ ⴷ ⵓⵎⴳⴰⴷⴷⴰ ⵏ ⵡⴰⵏⵏⴰⵣⵏ ⴳ ⵡⴰⵎⵎⴰⵙ ⵏ ⵉⵙⵉⵣⵡⵉⵔⵏ ⵉⵏⴰⵎⵓⵔⵏ. ⵎⴽⵏⵏⴰ ⵜⵙⴰⵡⵍ ⵅⴼ ⵜⴷⵉⵏⴰⵎⵉⵜ ⵏⵏⴰ ⵉⵍⵍⴰⵏ ⴳ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴳ ⵍⵎⵖⵔⵉⴱ, ⵙⵍⴰⵡⴰⵏⵏ ⴰⴽⴽⵯ ⴳ ⵓⵥⵟⵟⴰ ⵏ ⵊⴰⵥⴰⵕⵉ ⴷ ⵓⵀⴰⴽⴰⵟⵓⵏ ⴰⵏⴰⵎⵓⵔ ⵏ “ⵕⵎⴹⴰⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ”. ⴷ ⵜⵙⵏⵜⴰⵢⵉⵏ ⵜⵉⵅⴰⵜⴰⵔⵉⵏ ⵉⵡⴰⵜⵜⵙⵏ ⵜⵓⵚⴽⴰ ⵏ ⵓⵏⴳⵔⴰⵡ ⵏ ⵉⵙⵍⵍⵡⵉ ⵉⵏⵏⵓⵕⵥⵎⵏ ⵅⴼ ⵜⵄⵄⵓⵔⵎⴰ.

ⵎⴽⵏⵏⴰ ⵜⴳⴰ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴰⵍⵖⵓ ⵏ ⵓⵙⵏⵎⴰⵍⴰ ⵏ ⵕⴰⵍⵉ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ “Rally IA Future Lab” ⵉⵏⴳⵔ 16 ⴷ 20 ⵢⵓⵏⵢⵓ ⵏ 2026 ⴳ ⵎⵔⵣⵓⴳⴰ ⴳ ⵜⵎⵏⴰⴹⵜ ⵏ ⴹⵕⵄⴰ ⵜⴰⴼⵉⵍⴰⵍⵜ, ⵎⴰⵢⴰⴷ ⵉⴳⴰ ⵢⴰⵏ ⵓⵏⵎⵉⴳⴰⵔ ⴰⵏⴰⵎⵓⵔ ⵉⵥⵍⵉⵏ ⵙ ⵜⵉⵔⵎⵉⵜⵉⵏ ⴷ ⵉⵙⵍⵍⵡⵉ ⴰⵏⵊⵎⵓ, ⴰⵔ ⵉⵙⵎⵓⵏ ⵉⵎⵃⴹⴰⵕⵏ ⴷ ⵉⵎⵔⵣⵓⵜⵏ ⴷ ⵉⵎⵏⵣⵓⵖⵏ ⵏ ⵜⵡⵓⵔⵉⵡⵉⵏ ⵏ ⵓⵙⴱⵓⵖⵍⵓ ⵏ ⵉⴼⵙⴰⵢⵏ ⵏ ⵜⵡⵓⵔⵉ ⴳ ⵢⵉⴳⵔ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ.

ⵢⵓⴷⴼ ⵓⵖⴰⵡⴰⵙ ⴰⴷ ⴳ ⵜⴷⵉⵏⴰⵎⵉⵜ ⵜⴰⵏⴰⵎⵓⵔⵜ ⵉⵡⴰⵜⵜⵙⵏ ⴰⵙⴷⵓⵙ ⵏ ⵡⴰⴷⴰⴼ ⴰⵎⵓⵟⵟⵓⵏ, ⴰⵔ ⵉⵙⵎⵓⵏ ⵉⵏⴳⵔ ⵓⵙⵡⴰⵍⴰ ⴷ ⵜⵎⵓⵏⵉ, ⴷ ⵜⵏⴰⵣⵓⴼⵜ ⵏ ⵜⵉⵇⵏⵉⵢⵉⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ, ⵙ ⵡⵉⵍⵍⵉ ⵔⴰⴷ ⵢⴰⵡⵙ ⴳ ⵓⵙⴼⴰⵡ ⵏ ⵜⵙⵓⵜⴰ ⵜⴰⵎⴰⵢⵏⵓⵜ ⵏ ⵜⵥⴹⴰⵕⵉⵏ ⵜⵉⵡⵜⵎⵉⵏ ⴳ ⵜⵣⵣⵓⵍⵉⵏ ⵏ ⵜⵙⵎⵓⵟⵟⵓⵏⵜ ⴷ ⵜⵉⴽⵏⵓⵍⵓⵊⵉⵜ.

A+ A-

You may be interested in

ⵜⵉⵙⵎⵉⴳⴰⵍ

ⴰⵎⵣⵔⴰⵢ

ⵜⴰⵎⴰⵡⵙⴰⵙⵜ

You may be interested in

Subscribe to our newsletter