ⴰⵎⴰⵡⴰⵙ
  • ⴰⵎⴰⵡⴰⵙ
    • ⵜⵉⵡⵓⵔⵉⵡⵉⵏ ⵏⵏⵖ
  • ⵜⵉⵡⵓⵔⵉⵡⵉⵏ ⵏⵏⵖ
    • ⵜⵉⵏⴰⴼⵓⵜⵉⵏ ⵏⵏⵖ
  • ⵜⵉⵏⴰⴼⵓⵜⵉⵏ ⵏⵏⵖ
    • ministre showcase

    ⵜⴷⵔⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵎⴹⴰⴽⴰⵕ ⵢⴰⵜⵜⵓⵢⵏ ⵅⴼ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵎⵉ ⵉⵕⵥⵎ ⵓⵙⴰⵖⵓⵍ ⴳ ⵓⵙⵖⵉⵎ ⵏ ⵜⵎⵓⵔⴰ ⵉⵎⵓⵏⵏ ⴳ ⵏⵢⵓⵢⵓⵕⴽ.

    • Accueil
    • ⵜⴷⵔⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵎⴹⴰⴽⴰⵕ ⵢⴰⵜⵜⵓⵢⵏ ⵅⴼ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵎⵉ ⵉⵕⵥⵎ ⵓⵙⴰⵖⵓⵍ ⴳ ⵓⵙⵖⵉⵎ ...
    date icon

    ⵎⴰⵙ ⵜⴳⴰ ⴰⵎⴷⵔⴰⵡ ⵏ ⵓⵙⵏⵎⴰⵍⴰ ⵏ ⵉⵎⴰⵍⴰⵙⵙ ⵏ ⵜⵎⵓⵔⴰ ⵉⵎⵓⵏⵏ ⵏ ⵉⵙⵖⵉⵡⵙⵏ ⵎⵉ ⵉⵕⵥⵎ ⵓⵙⴰⵖⵓⵍ 2026 "United Nations Open Source Week 2026", ⵜⴷⵔⴰ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⵜⵙⴳⵏⵙⴻⵙ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴳ ⵜⵡⵓⵔⵉⵡⵉⵏ ⵏ ⵓⵎⴹⴰⴽⴰⵕ ⵢⴰⵜⵜⵓⵢⵏ ⵍⵍⵉ ⵉⵥⵍⵉⵏ ⵙ ⵉⵎⵔⵙⵉ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵎⵉ ⵉⵏⵏⵓⵕⵥⵎ ⵓⵙⴰⵖⵓⵍ ⴳ ⵓⵊⵎⵉⵍ ⵏ ⵜⴳⵎⵉ ⵜⴰⵎⵓⵟⵟⵓⵏⵜ, ⵍⵍⵉ ⵉⵜⵜⵡⴰⴳⵏ ⴳ ⵓⵙⵖⵉⵎ ⵏ ⵜⵎⴰⴷⴷⴰⵙⵜ ⵏ ⵜⵎⵓⵔⴰ ⵉⵎⵓⵏⵏ ⴳ ⵜⵎⴷⵉⵏⵜ ⵏ ⵏⵢⵓⵢⵓⵕⴽ.

    ⵉⵙⵎⴰⵏ ⵓⵎⴰⴳⵔ ⴰⴷ ⵛⵉⴳⴰⵏ ⵏ ⵉⵎⴰⵡⵙⴰⵙⵏ ⴷ ⴷ ⵉⵎⴷⵔⴰⵡⵏ ⵉⴳⵔⴰⵖⵍⴰⵏⵏ ⵙ ⵓⵡⵜⵜⴰⵙ ⵏ ⵓⵎⵔⴰⵔⴰ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ ⵅⴼ ⵜⴱⵔⵉⴷⵉⵏ ⵏ ⵓⵙⵎⵔⵙ ⵏ ⵜⵉⵇⵏⵉⵢⵉⵏ ⵎⵉ ⵉⵥⵕⵎ ⵓⵙⴰⵖⵓⵍ ⵉ ⵓⵙⴷⵔⴼ ⵏ ⵜⴰⵣⵣⴰⵣⵜ ⵏ ⵓⵙⵏⴼⵍ ⴰⵎⵓⵟⵟⵓⵏ, ⴷ ⵓⵙⴷⵓⵙ ⵏ ⵉⵏⴳⵔⴰⵡⵏ ⵏ ⵉⵙⵍⵍⵡⵉ ⴷ ⵡⴰⵏⵏⴰⵍ ⵏ ⵉⵖⴰⵔⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ. ⵙ ⵜⵎⵍⴷⴰ ⴰⴷ ⵜⵙⴷⴷⵉⴷ ⴰⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⵉⵅⵚⵚⴰ ⴳ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴰⴷ ⵜⵉⵍⵉ ⵢⴰⵜ ⵜⵎⵢⴰⴷⴰⵙⵜ ⵜⵓⵙⵍⵉⴳⵜ, ⵉⴱⴷⴷⴰⵏ ⵅⴼ ⵓⵙⵉⵥⴹⵕ ⵏ ⵉⵡⴰⵏⴽⵏ ⵓⵍⵉⴷ ⵖⴰⵙ ⴳ ⵉⵎⵉⵥ ⵏ ⵜⵉⴽⵏⵓⵍⵓⵊⵉⵜ ⵎⴰⵛⴰ ⴰⵡⴷ ⴳ ⵓⵙⴱⵓⵖⵍⵓ ⵏ ⵜⵥⴹⴰⵕⵉⵏ, ⴷ ⵓⵚⵕⵚⵚⵓ ⵏ ⵉⵏⴳⵔⴰⵡⵏ ⵏ ⵜⵎⵓⵛⴰ ⴷ ⵓⵙⴷⵓⵙ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵏ, ⵓⵍⴰ ⴰⵙⵓⵊⴷ ⵏ ⵉⵙⵓⵜⴰⵢ ⵉⵎⴰⴷⴷⴰⵙⵏ ⴷ ⵜⵏⵏⵓⴱⴹⴰ ⵉⵎⵙⴰⵙⴰⵏ, ⴰⵢⵍⵍⵉ ⵔⴰⴷ ⵉⴼⴽ ⴰⵙⵖⵉⵡⵙ ⵏ ⵉⴼⵙⴰⵢⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵜⵏⴰⵎⵉⵜ ⴷ ⵜⵥⵕⵉⴳⵜ ⴷ ⵜⴼⵍⵙⵜ ⵏⵏⵙ ⵙ ⵓⵎⵙⴰⵙⴰ ⴰⴽⴷ ⵉⵙⵉⵣⵡⵉⵔⵏ ⵏⵏⵙ ⵉⵏⴰⵎⵓⵔⵏ.

    ⵜⵙⴼⵔⴰ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵜⵓⴷⴼ ⵜⵙⵜⵔⴰⵜⵉⵊⵉⵜ ⴰⴷ ⴳ ⵜⴽⴰⵕⴹⴰ ⵏ ⵓⴱⵔⵉⴷ ⵏ "AI Made in Morocco 2030", ⵍⵍⵉ ⵉⵡⴰⵜⵜⵙⵏ ⴰⵙⴷⵓⵙ ⵏ ⵜⵥⴹⴰⵕⵜ ⵏ ⵜⴳⵍⴷⵉⵜ ⵉ ⵓⵙⴱⵓⵖⵍⵓ ⵏ ⵉⴼⵙⴰⵢⵏ ⵉ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵏⵏⴰ ⴳ ⵜⵍⵍⴰ ⵜⵎⵢⵉⵎⴰⵏⵜ ⴷ ⵡⴰⴱⴰⴹ ⴰⵎⵓⵟⵟⵓⵏ ⴰⵔ ⵜⵙⴰⴷⵎⴰⵔ ⵉ ⵜⵥⵍⴰⵢⵉⵏ ⵏ ⵜⵉⵍⴰⵡⵜ ⵜⴰⵏⴰⵎⵓⵔⵜ.

    ⵎⴽⵏⵏⴰ ⵜⵙⴼⴰⵡ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴰⴷⴷⵓⵔ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵎⵉ ⵉⵕⵥⵎ ⵓⵙⴰⵖⵓⵍ ⴳ ⵓⴽⴰⵎⴷ ⵏ ⵜⵥⵍⴰⵢⵉⵏ ⵜⵉⵙⵏⵉⵍⵍⵙⵉⵏ ⴷ ⵜⴷⵍⵙⴰⵏⵉⵏ, ⵍⵓⵎⵏⵏ ⴰⵢⵍⵍⵉ ⵉⵥⵍⵉⵏ ⵙ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷ ⴷⴷⴰⵔⵉⵊⴰ ⵜⴰⵎⵖⵔⵉⴱⵉⵜ ⴷ ⵜⵎⴰⵣⵉⵖⵜ ⴷ ⵜⴼⵕⴰⵏⵚⵉⵚⵜ ⵓⵍⴰ ⵜⴰⵏⴳⵍⵉⵣⵉⵜ, ⵙ ⵡⵉⵍⵍⵉ ⵔⴰⴷ ⵢⴰⵡⵙ ⴳ ⵓⵙⴱⵓⵖⵍⵓ ⵏ ⵉⵎⴷⵢⴰⵜⵏ ⵉⵥⴹⴰⵕⵏ ⵥⵍⵉⵏ, ⵙⵍⴰⵡⴰⵏⵏ ⴰⴽⴽⵯ ⴳ ⵉⵎⵏⴰⴹⵏ ⵍⵍⵉ ⴳ ⵍⵍⴰⵏⵜ ⵜⵏⵥⴰⵕ  ⵉⵣⴷⵉⵏ ⴷ ⵜⵥⴹⴰⵕⵉⵏ ⵏ ⵓⵙⵉⴹⵏ.

    ⴳ ⵓⵎⵏⵉⴷ ⴰⴷ ⵏⵉⵜ, ⵜⵙⴷⴷⵉⴷ ⵎⴰⵙⵙⴰ ⵜⴰⵡⴰⵙⴰⵙⵜ ⵅⴼ ⵡⴰⴷⴷⵓⵔ ⵏ ⵜⵙⵏⵜⴰⵢⵉⵏ ⵣⵓⵏ ⴷ ⵉⵙⵉⵏⴰⴳⵏ ⵏ ⵊⴰⵥⴰⵕⵉ, ⵍⵍⵉ ⵉⵜⵜⴰⵡⵙⵖⵉⵡⵙⵏ ⵉ ⵓⵚⵕⵚⵚⵓ ⵏ ⵉⴱⵔⴷⴰⵏ ⵏ ⵓⵎⵢⴰⵡⴰⵙ ⵉⵏⴳⵔ ⵜⵙⴷⴰⵡⵉⵢⵉⵏ ⴷ ⵜⵎⵙⵙⵓⵔⵉⵏ ⵉⵜⵜⵅⵉⵜⵉⵔⵏ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⵓⵍⴰ ⵉⵎⴳⴳⴰⵢⵏ ⵏ ⵢⵉⴳⵔ ⵓⵙⵍⵉⴳ, ⵅⴼ ⵉⴳⵔⴰⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵜⵓⵙⵏⵉⵙⵜ ⴷ ⵉⵕⵓⴱⵓⵜⵏ ⴷ ⵉⵙⵍⵍⵡⵉ ⴰⵜⵉⴽⵏⵓⵍⵓⵊⵉ ⵉⵏⵏⵓⵕⵥⵎⵏ, ⵙ ⵡⵉⵍⵍⵉ ⵉⵎⵙⴰⵙⴰⵏ ⴰⴷ ⵉⵙⵉⵣⵡⵉⵔⵏ ⵏ ⵉⴳⵔⴰⵏ ⵉⵏⴰⴽⴰⵍⵏ.

    ⵎⴽⵏⵏⴰ ⵜⵙⴰⵡⵍ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵅⴼ ⵓⴱⵓⵖⵍⵓ ⵏ ⵜⴳⵍⴷⵉⵜ ⴳ ⵢⵉⴳⵔ ⵏ ⵓⴱⵓⵖⵍⵓ ⵏ ⵓⵏⴳⵔⴰⵡ ⵏ ⵜⵎⵙⵙⵏⵜⴰⵢⵉⵏ, ⴷ ⵓⵙⴷⵓⵙ ⵏ ⵜⵓⵚⴽⵉⵡⵉⵏ ⴷ ⵜⵙⵉⴹⵏⵜ, ⵓⵍⴰ ⴰⵎⵢⴰⵡⴰⵙ ⵍⵍⵉ ⵉⵜⵜⵓⴳⴰⵏ ⴰⴽⵙ ⴽⵔⴰⵢⴳⴰⵜ ⵉⵎⴷⵔⴰⵡⵏ ⵉⴳⵔⴰⵖⵍⴰⵏⵏ, ⵍⵓⵎⵏⵏ ⴳ ⵓⵖⴰⵡⴰⵙ ⵏ ⵜⵎⵓⵔⴰ ⵉⵎⵓⵏⵏ ⴰⵏⵊⵎⵓ (PNUD) ⴳ ⵓⵙⴰⵜⵉ ⵏ ⵜⵙⵏⵜⴰⵢⵜ ⵏ ⵓⵙⴰⵏⵓⴹ ⵏ ⵍⵎⵖⵔⵉⴱ ⴰⵎⵓⵟⵟⵓⵏ ⵉ ⵜⴳⵎⵉ ⵜⴰⵙⵓⵍⴰⵏⵜ, ⵙ ⵡⵉⵍⵍⵉ ⵔⴰⴷ ⵉⴱⵣⵔ ⴳ ⵓⵚⵕⵚⵚⵓ ⵏ ⵡⴰⴷⴷⵓⵔ ⵏ ⵍⵎⵖⵔⵉⴱ ⴰⴷ ⵉⴳ ⴰⵙⴰⵏⵓⴹ ⴰⵙⴳⴰⵡⴰⵏ ⵏ ⵉⵙⵍⵍⵡⵉ ⴰⵎⵓⵟⵟⵓⵏ ⴰⵎⵙⵜⴳⴳⴰⵔ ⵉⵕⵥⵎ.

    ⴳ ⵜⴳⵉⵔⴰ ⵏ ⵜⴽⵛⵛⵓⵎⵜ ⵏⵏⵙ, ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⴳⴰⵏ ⵉⵙⵖⵉⵡⵙⵏ ⵎⵉ ⵉⵕⵥⵎ ⵓⵙⴰⵖⵓⵍ ⵎⴰⵙ ⵓⵔ ⴳⵉⵏ ⵖⴰⵙ ⴰⵎⴷⵢⴰ ⴰⵜⵉⵇⵏⵉ ⵎⴰⵛⴰ ⴰⵡⴷ ⵢⴰⵜ ⵜⵎⵙⵙⵉⵍⵉⵜ ⵜⴰⴷⵙⵍⴰⵏⵜ ⴳ ⵓⵚⵕⵚⵚⵓ ⵏ ⵜⵙⵓⵙⵖⵜ ⴷ ⵜⵎⵢⵉⵎⴰⵏⵜ ⴷ ⵡⴰⴱⴰⴹ ⴰⵎⵓⵟⵟⵓⵏ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰ.
    ⵣⴳ ⵜⵏⵉⵍⴰ ⵏ ⵜⵙⵜⵔⴰⵜⵉⵊⵉⵜ ⵏ ⵍⵎⵖⵔⵉⴱ ⴰⵎⵓⵟⵟⵓⵏ 2030, ⴰⴳ ⴰⵔ ⵜⵙⵎⴰⵢⵏⵓ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵜⴰⵎⵔⵉⵙⵜ ⵏⵏⵙ ⵙ ⵓⵙⴱⵓⵖⵍⵓ ⵏ ⵜⵉⴽⵏⵓⵍⵓⵊⵉⵢⵉⵏ ⵜⵉⵎⵓⵟⵟⵓⵏⵉⵏ ⵉⵕⵥⵎⵏ ⴼⵙⵏⵜ, ⴳ ⵓⵊⵎⵉⵍ ⵏ ⵓⵏⵎⵓⵔⵉ, ⴷ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ ⵓⵍⴰ ⵜⴰⵎⵣⵉⵣⵡⵔⵜ ⵜⴰⴷⵎⵙⴰⵏⵜ ⴷ ⵜⴳⵎⵉ ⵜⴰⵙⵓⵍⴰⵏⵜ ⴳ ⵉⴼⵔⵉⵇⵢⴰ ⴷ ⵓⵎⴰⴹⴰⵍ ⴰⵄⵕⴰⴱ ⴷ ⴱⵔⵔⴰ ⴱⵕⵕⴰ ⵏⵏⵙⵏ.

     
     
    A+ A-

    Subscribe to our newsletter

    MTNRA © All rights reserved 2026 realization FORNET