ⴰⵎⴰⵡⴰⵙ
  • ⴰⵎⴰⵡⴰⵙ
    • ⵜⵉⵡⵓⵔⵉⵡⵉⵏ ⵏⵏⵖ
  • ⵜⵉⵡⵓⵔⵉⵡⵉⵏ ⵏⵏⵖ
    • ⵜⵉⵏⴰⴼⵓⵜⵉⵏ ⵏⵏⵖ
  • ⵜⵉⵏⴰⴼⵓⵜⵉⵏ ⵏⵏⵖ
    • ministre showcase

    ⵜⵙⵙⵉⵅⴼ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⴳ ⵕⵕⴱⴰⵟ, ⵜⵉⴳⵉⵡⵔⵜ ⵏ ⵓⵏⵏⵓⵕⵥⵎ ⵏ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙ ⴽⵕⴰⴹⵜ ⵏ ⵓⵙⴳⵔⴰⵡ ⴰⵄⵕⴰⴱ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ

    • Accueil
    • ⵜⵙⵙⵉⵅⴼ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⴳ ⵕⵕⴱⴰⵟ, ⵜⵉⴳⵉⵡⵔⵜ ⵏ ⵓⵏⵏⵓⵕⵥⵎ ⵏ ⵜⵡⵓⵔⵉⵡⵉⵏ ⵏ ⵜⵙⵓⵜⵍ ...
    date icon

    ⵜⵙⵙⵉⵅⴼ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴰⵙⵙ ⵏ ⵓⵙⵉⵏⴰⵙ 30 ⵢⵓⵏⵢⵓ 2026, ⴳ ⵕⵕⴱⴰⵟ, ⵜⵉⴳⵉⵡⵔⵜ ⵏ ⵓⵏⵏⵓⵕⵥⵎ ⵏ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙ ⴽⵕⴰⴹⵜ ⵏ ⵓⵙⴳⵔⴰⵡ ⴰⵄⵕⴰⴱ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ, ⵍⵍⵉ ⵜⵙⵏⵎⴰⵍⴰ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⵙ ⵜⴷⵔⴰⵡⵜ ⴰⴽⴷ ⵜⵙⵇⵇⵉⵎⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵏ ⵜⴰⴳⵓⵜ ⵏ ⴰⵙⵢⴰ ⵏ ⵜⵎⵜⵜⴰ ⵉⵎⵓⵏⵏ (ⵉⵙⴽⵡⴰ), ⴷⴷⴰⵡ ⵏ ⵜⵎⴰⵜⴰⵔⵜ ⵏ: “ⵉⵙⵍⵍⵡⵉ ⵏ ⵜⵏⵏⵓⴱⴹⴰ ⵉ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ ⵉⵡⵊⴷⵏ ⵉ ⵉⵎⴰⵍ”.

    ⴷⵔⴰⵏ ⴳ ⵓⵙⴳⵔⴰⵡ ⴰⴷ ⵛⵉⴳⴰⵏ ⵏ ⵉⵎⴰⵡⵙⴰⵙⵏ ⴷ ⵉⵎⵙⵜⴳⴳⴰⵔⵏ ⵉⵅⴰⵜⴰⵔⵏ ⵓⵏⴱⵉⴹⵏ ⵓⵍⴰ ⵉⴳⵏⵙⴰⵙⵏ ⵏ ⵜⵎⴰⴷⴷⴰⵙⵉⵏ ⵜⵉⵙⴳⴰⵡⴰⵏⵉⵏⴷ ⵜⴳⵔⴰⵖⵍⴰⵏⵉⵏ, ⵓⵍⴰ ⵉⵎⵓⵣⴰⵢⵏ ⵏ ⴽⵔⴰⵢⴳⴰⵜ ⵜⵎⵉⵣⴰⵔ ⵜⴰⵄⵕⴰⴱⵉⵏ, ⵎⴰⵢⴰⴷ ⵙ ⵓⴹⴼⴼⵓⵕ ⵏ ⵜⵙⵓⵜⴰⵍ ⵙ ⵙⵏⴰⵜ ⵍⵍⵉ ⵉⵣⵔⵉⵏ ⵏⵏⴰ ⵉⵜⵜⵡⴰⴳⵏ ⴳ ⵄⵎⵎⴰ ⴳ ⵓⵙⴳⴳⵯⴰⵙ ⵏ 2024 ⴷ ⴷⵓⴱⴰⵢ ⴳ ⵓⵙⴳⴳⵯⴰⵙ ⵏ 2025.

    ⴳ ⵜⴳⵓⵔⵉ ⵏⵏⵙ ⵜⴰⵎⵣⵡⴰⵔⵓⵜ, ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⴰⵔ ⵉⵎⵎⴰⵍ ⵓⵙⵏⵎⴰⵍⴰ ⵏ ⵓⵙⵔⴰⵡ ⴰⴷ ⵜⵉⵔⴰⵜ ⵜⴰⵄⵕⴰⴱⵜ ⵜⴰⵏⵊⵎⵓⵜ ⵍⵍⵉ ⵉⵡⴰⵜⵜⵙⵏ ⴰⴷ ⵙⵔⵙ ⵜⴰⵎⵙⵙⵓⴳⵓⵔⵜ ⵜⴰⵄⵕⴰⴱⵜ ⴳ ⵡⴰⵎⵎⴰⵙ ⵏ ⵜⵙⵔⵜⴰⵢ ⵜⵉⵏⴳⵎⵓⵜⵉⵏ, ⵎⴰⵙ ⴳⴰⵏⵜ ⵜⴰⵎⵙⵙⵉⵍⵉⵜ ⵏ ⵓⵙⴷⵓⵙ ⵏ ⵜⵎⵢⵉⵎⴰⵏⵜ ⴷ ⵓⵚⵕⵚⵚⵓ ⵏ ⵜⵏⵏⵓⴱⴹⴰ ⵉⵕⵡⴰⵏ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⵏⴳⵔ ⵉⵡⴰⵏⴽⵏ ⴰⵄⵕⴰⴱⵏ. ⵎⴽⵏⵏⴰ ⵜⵙⴼⴰⵡ ⵎⴰⵙ ⴰⵔ ⵉⵎⵎⴰⵍ ⵓⵙⵏⵎⴰⵍⴰ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜⵉ ⵜⵙⵓⵜⵍⵜ ⴰⴷ ⵜⵉⵙ ⴽⵕⴰⴹⵜ, ⵜⴰⵎⵔⵉⵙⵜ ⵏⵏⵙ ⴳ ⵓⵚⵕⵚⵚⵓ ⴷ ⵜⵓⵚⴽⴰ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ ⴳ ⵉⵍⵍⴰ ⵡⵓⴳⴰⵔ ⵏ ⵜⵕⵡⵉ ⴷ ⵉⵙⵍⵍⵡⵉ ⴷ ⵓⵙⵏⵉⵎⴰⵍ ⵏ ⵉⵎⴰⵍ.

    ⵜⴼⵙⵔ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵜⵉⵙⴰⵡⵔⵉⵏ ⵏ ⵓⵙⴳⴳⴷ ⵜⵉⴷⵙⵍⴰⵏⵉⵏ ⵍⵍⵉ ⵣⵣⴳⵉⵔ ⵜⴳⵍⴷⵉⵜ, ⵙ ⵓⵣⵣⴳⵉⵔ ⵏ ⵉⵙⵡⴰⵍⴰⵜⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵄⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵏⵔⵓ ⵕⴱⴱⵉ, ⵙⵇⵍⴰⵡⴰⵏ ⴰⴽⴽⵯ ⴰⵢⵍⵍⵉ ⵉⵥⵍⵉⵏ ⵙ ⵓⵙⵀⵡⵏ ⵏ ⵉⵍⵓⴳⵏⵏ ⵉⵎⵙⵙⵓⴳⵓⵔⵏ, ⴷ ⵜⵙⵎⵓⵟⵟⵓⵏⵜ ⵏ ⵉⵊⵎⵉⵍⵏ ⵉⴳⴷⵓⴷⴰⵏⵏ, ⴷ ⵡⴰⵔ ⵜⵉⵏⵏⵓⵎⵙⴰ ⵜⴰⵎⵙⵙⵓⴳⵓⵔⵜ, ⵓⵍⴰ ⴰⵣⵣⵉⴳⵣ ⵏ ⵜⵙⵜⵔⴰⵜⵉⵊⵉⵢⵜ ⵏ “ⵍⵎⵖⵔⵉⴱ ⴰⵎⵓⵟⵟⵓⵏ 2030”, ⵎⴽⵏⵏⴰ ⵜⵙⴷⴷⵉⴷ ⵎⴰⵙ ⴰⵔ ⵙⵔⵓⵙⵏ ⵉⵙⴳⴳⴷⵏ ⴰⴷ ⴰⵏⵙⵎⵔⴰⵙ ⴷ ⵜⵕⵡⵉ ⵏ ⵓⵙⵡⵓⴷⴷⵓ ⴰⵎⵙⵙⵓⴳⵓⵔ ⵓⵍⴰ ⵜⵉⴳⵎⵉ ⵏ ⵜⵥⴹⴰⵕⵉⵏ, ⴳ ⵡⴰⵎⵎⴰⵙ ⵏ ⵜⵡⵓⵔⵉ ⵜⴰⴳⴷⵓⴷⴰⵏⵜ.

    ⵣⴳ ⵜⵏⵉⵍⴰ ⵏⵏⵙ ⵓⵍⴰ ⵏⵜⵜⴰ ⵓⵙⴷⴷⵉⴷ ⵎⴰⵙⵙ ⵟⴰⵕⵉⵇ ⵍⵄⴰⵍⴰⵎⵉ, ⴰⵎⴰⵔⵉ ⵏ ⵓⵏⴼⵍⵓⵙ ⵏ ⵓⵣⵣⴳⵉⵔ ⵏ ⵜⵙⵇⵇⵉⵎⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵏ ⵜⴰⴳⵓⵜ ⵏ ⴰⵙⵢⴰ ⵏ ⵜⵎⵜⵜⴰ ⵉⵎⵓⵏⵏ (ⵉⵙⴽⴰⵡ), ⴳ ⵜⴳⵓⵔⵉ ⵏⵏⵙ, ⵅⴼ ⵡⴰⴷⴷⵓⵔ ⵏ ⵜⵓⵚⴽⴰ ⵏ ⵜⵎⵙⵙⵓⴳⴰⵔ ⵜⵉⴳⴷⵓⴷⴰⵏⵉⵏ ⵉⵥⴹⴰⵕⵏ ⴰⴷ ⵉⵣⵡⵓⵔ ⵉⵙⵏⴼⴰⵍ, ⴷ ⵓⵙⵉⴷⴼ ⵏ ⵉⵙⵍⵍⵡⵉ  ⵜⵏⵎⵎⴰⵍⵉⵏ ⴳ ⵓⵊⵎⵉⵍ ⵏ ⵜⵏⴰⴼⵓⵜ ⵜⴰⵎⴰⵜⴰⵢⵜ.

    ⵙⵙⵏⵜⵉⵏⵜ ⴳ ⵜⴳⵉⵡⵔⵜ ⴰⴷ ⴽⵔⴰⵢⴳⴰⵜ ⵜⵉⵡⵓⵔⵉⵡⵉⵏ ⵏ ⵜⴳⵉⵡⵉⵔⵉⵏ ⵢⴰⵜⵜⵓⵢⵏ, ⵙ ⵜⴷⵔⴰⵡⵜ ⵏ ⵉⵎⴰⵡⵙⴰⵙⵏ ⴷ ⵉⵎⵙⵜⴳⴳⴰⵔⵏ ⵉⵅⴰⵜⴰⵔⵏ ⵓⵏⴱⵉⴹⵏ ⴷ ⵓⵎⵓⵣⴰⵢⵏ ⵉⴳⵔⴰⵖⵍⴰⵏⵏ, ⵥⵍⵉⵏⵜ ⵉ ⵓⵎⴹⴰⴽⴰⵕ ⵅⴼ ⵉⵎⴷⵢⴰⵜⵏ ⵏ ⵜⵏⵏⵓⴱⴹⴰ ⵜⴰⵎⴰⵢⵏⵓⵜ ⴷ ⵓⵙⵏⴼⵍ ⴰⵎⵓⵟⵟⵓⵏ ⴷ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵉⵙⵍⵍⵡⵉ ⴳ ⵢⵉⴳⵔ ⴰⵎⴰⵜⴰⵢ, ⴷ ⵜⴳⵎⵉ ⵏ ⵜⵥⴹⴰⵕⵉⵏ ⵓⵍⴰ ⴰⵙⵜⵔⴰⵔ ⵏ ⵉⵊⵎⵉⵍⵏ ⵉⴳⴷⵓⴷⴰⵏⵏ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵄⵕⴰⴱ ⴳ ⵢⵉⴳⵔ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ.

     
     
    A+ A-

    Subscribe to our newsletter

    MTNRA © All rights reserved 2026 realization FORNET