ⴰⵎⴰⵡⴰⵙ
  • ⴰⵎⴰⵡⴰⵙ
    • ⵜⵉⵡⵓⵔⵉⵡⵉⵏ ⵏⵏⵖ
  • ⵜⵉⵡⵓⵔⵉⵡⵉⵏ ⵏⵏⵖ
    • ⵜⵉⵏⴰⴼⵓⵜⵉⵏ ⵏⵏⵖ
  • ⵜⵉⵏⴰⴼⵓⵜⵉⵏ ⵏⵏⵖ
    • ministre showcase

    ⵜⵙⵙⵉⵅⴼ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⵜⵉⴳⵉⵡⵔⵜ ⵏ ⵓⵏⵏⵓⵕⵥⵎ ⵏ ⵜⵡⵓⵔⵉⵡⵉⵏ ⵏ ⵓⵙⴳⵔⴰⵡ ⴰⵎⴰⵡⵙⴰⵙ ⵉⴼⵔⵉⵇⵉ ⵡⵉⵙ 17 ⵅⴼ ⵓⵙⵜⵔⴰⵔ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ ⴷ ⵜⵎⵔⵙⴰⵍ ⵏ ⵓⵡⴰⵏⴽ

    • Accueil
    • ⵜⵙⵙⵉⵅⴼ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⵜⵉⴳⵉⵡⵔⵜ ⵏ ⵓⵏⵏⵓⵕⵥⵎ ⵏ ⵜⵡⵓⵔⵉⵡⵉⵏ ⵏ ⵓⵙⴳⵔⴰⵡ ⴰⵎⴰⵡⵙⴰⵙ ...
    date icon

    ⵜⵙⵙⵉⵅⴼ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵓⵛⵛⵏⵉ, ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ,ⵜⴳⴰ ⴰⵡⴷ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵡⴰⵎⵎⴰⵙ ⴰⴼⵔⵉⵇⵉ ⵏ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⵙⵙⵓⴳⵓⵔ ⵉ ⵜⴳⵎⵉ (CAFRAD), ⴰⵙⵙ ⵏ ⵓⵙⵉⵏⴰⵙ 14 ⵢⵓⵍⵢⵓⵣ 2026 ⴳ ⵕⵕⴱⴰⵟ, ⵜⵉⴳⵉⵡⵔⵜ ⵏ ⵓⵏⵏⵓⵕⵥⵎ ⵏ ⵜⵡⵓⵔⵉⵡⵉⵏ ⵏ ⵓⵙⴳⵔⴰⵡ ⴰⵎⴰⵡⵙⴰⵙ ⴰⴼⵔⵉⵇⵉ ⵡⵉⵙ 17 ⵅⴼ ⵓⵙⵜⵔⴰⵔ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ ⴷ ⵜⵎⵔⵙⴰⵍ ⵏ ⵓⵡⴰⵏⴽ.

    ⵉⵜⵜⵓⵙⵏⵎⴰⵍⴰ ⵓⵙⴳⵔⴰⵡ ⴰⴷ ⵙ ⵜⴷⵔⴰⵡⵜ ⵏ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⴰⴽⴷ ⵡⴰⵎⵎⴰⵙ ⴰⴼⵔⵉⵇⵉⵢ ⵏ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⵙⵙⵓⴳⵓⵔ ⵉ ⵜⴳⵎⵉ (CAFRAD), ⴷⴷⴰⵡ ⵜⵎⴰⵜⴰⵔⵜ ⵏ “ⵜⴰⵏⴰⵔⴰ ⴷ ⵜⴰⵎⵙⵙⵉⵍⵉⵜ ⵜⴰⴷⵙⵍⴰⵏⵜ ⵏ ⵓⵙⵡⴰⵍⴰ ⵏ ⵜⵡⵓⵔⵉ ⵜⴰⴳⴷⵓⴷⴰⵏⵜ ⴳ ⵓⵙⴰⵜⵉ ⵏ ⵉⵙⵏⴼⴰⵍ ⴷ ⵜⵏⵥⴰⵕ ⵜⵉⴳⵜⵉⵔⴰⵏⵉⵏ”.

    ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴳ ⵜⴳⵓⵔⵉ ⵏⵏⵙ ⵏ ⵓⵏⵏⵓⵕⵥⵎ, ⵎⴰⵙ ⴰⵔ ⵉⵙⴽⴰⵔ ⵓⵙⴰⵜⵉ ⵏ ⵉⵙⵏⴼⴰⵍⵏ ⴰⴷ ⵉⵜⵉⴽⵏⵓⵍⵓⵊⵉⵢⵏ ⴷ ⵡⴰⵍⴰⵙ ⵏ ⵜⵓⵚⴽⴰ ⵏ ⵉⵎⵢⴰⵙⵏ ⵉⴷⵎⵙⴰⵏⵏ ⵓⵍⴰ ⴰⴷⵔⴰⴼ ⵏ ⵉⵙⵏⵉⵎⴰⵍⵏ ⵏ ⵉⵏⵎⵓⵔⴰⵏ, ⴰⵣⵓⵛⵛⵍ ⵏ ⵓⵚⵚⵕⵚⵓ ⵏ ⵜⵏⴰⵔⴰ ⵜⴰⴳⴷⵓⴷⴰⵏⵜ ⵉⵥⴹⴰⵕⵏ ⴰⴷ ⵉⴼⴽ ⴰⵏⴰⵎⴽ ⵉ ⵜⵎⵙⴽⵔⵜ ⵜⴰⴳⴷⵓⴷⴰⵏⵜ ⴷ ⵉⵎⵉⵥ ⵏ ⵜⵖⵜⴰⵙⵉⵏ ⵜⵓⵏⵥⵉⵥⵉⵏ, ⵓⵍⴰ ⴰⵙⵎⵓⵙⵙⵓ ⵏ ⵜⵥⴹⴰⵕⵉⵏ, ⴷ ⵓⵚⵕⵚⵚⵓ ⵏ ⵜⵎⵢⵉⵎⴰⵏⵜ ⵓⵍⴰ ⴰⵙⴰⵢ ⵏ ⵜⵎⵙⵜⴳⴳⴰⵔⵜ ⴰⴽⴽⵯ ⵏ ⵜⵢⴰⴼⵓⵜⵉⵏ ⵉⵜⵜⵓⵣⵣⴳⵉⵔⵏ.

    ⵜⵙⴼⴰⵡ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⵉⵍⵍⴰ ⵡⴰⴷⴷⵓⵔ ⵓⵥⵍⵉⵢ ⵖⵔ ⵉⵎⵙⴰⵔⴰⵙⵏ ⴰⴷ ⵉ ⵜⵎⵏⵥⴰⵡⵜ ⵏ ⵉⴼⵔⵉⵇⵢⴰ, ⵍⵍⵉ ⵉⵜⵜⵎⵏⴰⵍⴰⵏ ⵜⵏⵥⵕⵜ ⵏ ⵓⵙⴰⴷⵎⵔ ⵉ ⵉⵙⵏⵉⵎⴰⵍⵏ ⵏ ⵉⵎⵣⴷⴰⵖⵏ ⵉⴳⴰⵏ ⵜⵉⵄⵄⵓⵔⵎⴰ, ⴷ ⵓⵙⵉⵍⵉ ⵣⴳ ⵜⵕⵡⵉ ⵏ ⵉⵊⵎⵉⵍⵏ ⵉⴳⴷⵓⴷⴰⵏⵏ ⴷ ⵜⵥⴹⴰⵕⵜ ⵏ ⵡⴰⴷⴰⴼ ⵙⵔⵙⵏ, ⴷ ⵓⵙⴷⵓⵙ ⵏ ⵜⴰⵙⵓⵍⵜ ⵏ ⵜⵎⵔⵙⵍⵜ ⵏⵏⵙ ⵓⵍⴰ ⴰⵙⵎⵓⵔⵙ ⵏ ⵓⵙⵏⴼⵍ ⵏⵏⵙ ⴰⵎⵓⵟⵟⵓⵏ ⴷ ⵍⵉⴽⵓⵍⵓⵊⵉ.

    ⴳ ⵓⵙⴰⵜⵉ ⴰⴷ, ⵜⴻⵜⵜⵔ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴰⴷ ⵢⵉⵍⵉ ⵓⵚⵚⵕⵚⵓ ⵏ ⵢⴰⵏ ⵓⵎⴷⵢⴰ ⵏ ⵜⵏⴰⵔⴰ ⵜⴰⴳⴷⵓⴷⴰⵏⵜ ⵜⴰⴼⵔⵉⵇⵉⵢⵜ ⵉⵜⵜⴱⴷⴷⴰⵏ ⵅⴼ ⵜⵥⵍⴰⵢⵉⵏ ⵏ ⵜⵎⵏⵥⴰⵡⵜ ⴷ ⵜⵉⵍⴰⵡⵜ ⵏⵏⵙ, ⵉⵕⵥⵎ ⵅⴼ ⵜⵉⵔⵎⵉⵜⵉⵏ ⵜⵉⴳⵔⴰⵖⵍⴰⵏⵉⵏ, ⵉⵙⵔⵙ ⴰⴽⴰⵎⴷ ⵏⵏⵙ ⵅⴼ ⵉⵣⴰⵍⵉⵡⵏ ⵏ ⵜⵖⴰⵔⵉⵡⵉⵏ ⴷ ⵜⵔⴰⵡⵙⴰⵏⵜ ⵜⵉⵍⵉ ⴳⵉⵙ ⵜⵥⴹⴰⵕⵜ ⴰⵔ ⵉⵙⵡⴰⵍⴰ ⵜⵉⵣⵎⵎⴰⵔ ⵏⵏⵙ ⵖⵔ ⵓⵣⵣⴳⵉⵔ ⵏ ⵉⴹⵉⵚ ⴰⴽⵎⴰⵎ ⴰⵙⵓⵍⴰⵏ.

    ⵎⴽⵏⵏⴰ ⵜⴼⵙⵔ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴰⴱⵔⵉⴷ ⵏ ⵉⵙⴳⴳⴷⵏ ⵏ ⵓⵥⵟⵟⴰ ⴷ ⵜⵎⵔⵙⵍⵜ ⵍⵍⵉ ⵜⵙⴽⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴷⴷⴰ ⵏ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵀⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵏⵔⵓ ⵕⴱⴱⵉ, ⵙ ⵡⵉⵍⵍⵉ ⵔⴰⴷ ⵉⵙⴷⵓⵙ ⵜⵉⵔⵙⴰⵍ ⵏ ⵜⵏⵏⵓⴱⴹⴰ ⵉⵕⵡⴰⵏ, ⴰⵔ ⵉⵙⵔⵓⵙ ⵜⴰⵎⵙⵙⵓⴳⵓⵔⵜ ⴳ ⵓⵊⵎⵉⵍ ⵏ ⵜⴳⵎⵉ ⴷ ⵓⵃⵟⵟⵓ ⵏ ⵡⴰⴷⴷⵓⵔ ⵏ ⵓⵏⵎⵓⵔⵉ.

    ⵜⵙⴼⴰⵡ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵢⵓⴷⴼ ⵓⵣⵉⴳⴳⵣ ⵏ ⵜⵙⵜⵔⴰⵜⵉⵊⵉⵜ ⵏ ⵍⵎⵖⵔⵉⴱ ⴰⵎⵓⵟⵟⵓⵏ 2030, ⴷ ⵜⴽⴰⵕⴹⴰ ⵏ ⵓⴱⵔⵉⴷ «AI Made in Morocco» ⴳ ⵡⴰⵎⵎⴰⵙ ⵏ ⵜⴷⵉⵏⴰⵎⵉⵜ ⴰⴷ, ⵙ ⵓⵙⵔⵓⵙ ⵏ ⵜⵥⴹⴰⵕⵉⵏ ⴷ ⵉⵙⵍⵍⵡⵉ ⴷ ⵜⵎⵢⵉⵎⴰⵏⵜ ⵜⴰⵎⵓⵟⵟⵓⵏⵜ ⴷ ⴷⵓⵣⴰⵍ, ⴳ ⵓⴱⵔⵉⴷ ⵏ ⵜⴳⵎⵉ, ⵙ ⵡⵉⵍⵍⵉ ⵔⴰⴷ ⵉⵚⵕⵚⵚⵓ ⵜⴰⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ ⵍⵍⵉ ⴱⴰⵀⵔⴰ ⵢⵓⴷⵙⵏ ⵉ ⵉⵏⵙⵎⵔⴰⵙⵏ, ⵎⴽⵏⵏⴰ ⵜⵀⵡⵏ ⵜⵉⵍⵉ ⴳⵉⵙ ⵜⵙⵓⵙⵖⵜ ⴷ ⵓⵙⴰⵣⵡⵔ ⴷ ⵓⵙⵎⴰⴷ.

    ⴳ ⵓⵙⴰⵜⵉ ⵢⴰⴹⵏ, ⵜⵙⵎⴰⵢⵏⵓ ⵎⴰⵙⵙⴰ ⵜⴰⵎⴰⵙⴰⵙⵜ ⴰⵙⴷⴷⵉⴷ ⵏ ⵜⵎⵔⵉⵙⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵢⴼⴼⵓⵙ, ⴷ ⵓⵎⵔⴰⵔⴰ ⵏ ⵜⵎⵓⵣⴰⵢⵉⵏ, ⴷ ⵓⵙⴷⵓⵙ ⵏ ⵜⵣⵎⵎⴰⵔ ⵜⵉⴼⵔⵉⵇⵉⵢⵉⵏ, ⵙⴰⵍⴰⵡⴰⵏ ⴰⴽⴽⵯ ⵙ ⵓⵙⴰⵏⵓⴹ ⵏ ⵍⵎⵖⵔⵉⴱ ⴰⵎⵓⵟⵟⵓⵏ ⵉ ⵜⴳⵎⵉ ⵜⴰⵙⵓⵍⴰⵏⵜ “D4SD” ⵍⵍⵉ ⵉⵜⵜⵓⵙⴰⵔⵙⵏ ⵉⴷⴷⵖ ⵉⴳⴰ ⵢⴰⵏ ⵡⴰⵎⵎⴰⵙ ⴰⵄⵕⴰⴱ ⴷ ⵉⴼⵔⵉⵇⵉ ⵏ ⵓⵥⵍⴰⵢ ⴳ ⵢⵉⴳⵔ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵜⵓⵙⵙⵏⵉⵡⵉⵏ ⵏ ⵜⵎⵓⵛⴰ.

    ⵜⵙⴷⴷⵉⴷ ⵎⴰⵙ ⴰⵔ ⵜⵎⵎⴰⵍ ⵜⵙⵏⵜⴰⵢⵜ ⴰⴷ “ⴰⴱⵔⵉⴷ ⵡⵉⵙ ⴽⵕⴰⴹ” ⵍⵍⵉ ⵜⴹⴼⴰⵕ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵉⴱⴷⴷ ⵅⴼ ⵡⴰⴱⴰⴹ ⵉⵏⵏⵓⵕⵥⵎⵏ ⴷ ⵉⵙⵍⵍⵡⵉ ⵏ ⵜⵖⴰⵔⵉⵡⵉⵏ, ⵓⵍⴰ ⴰⵎⵢⴰⵡⴰⵙ ⵉⵎⵢⴰⵙⵏ ⵙ ⵡⵉⵍⵍⵉ ⵔⴰⴷ ⵢⴰⵊⵊ ⵜⴰⵎⵏⵥⴰⵡⵜ ⴰⴷ ⵜⵙⴽⵔ ⵜⵉⵍⴰⵍⵜ ⵉⵎⵢⴰⵏ ⴳ ⵓⴱⵔⵉⴷ ⵏ ⵉⵙⵏⴼⴰⵍ ⵉⵜⵉⴽⵏⵓⵍⵓⵊⵉⵢⵏ ⴷ ⵜⵏⴰⵔⴰ ⵏⵏⵙ ⴷ ⵓⵙⵢⴰⴼⴰ ⵣⴳ ⵜⵢⴰⴼⵓⵜⵉⵏ ⵏⵏⵙ.

    ⵜⵙⵎⴷ ⵜⴼⵓⴳⵍⴰ ⵏ ⵓⵏⵏⵓⵕⵥⵎ ⵙ ⵜⵉⴽⴽⵉ ⵏ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵉ ⵜⵙⵎⵖⵓⵔⵜ ⵏ ⵓⵥⵍⴰⵢ ⴳ ⵜⵏⴰⵔⴰ ⵏ ⵓⵙⴳⴳⵯⴰⵙ ⵏ 2025, ⵎⴽⵏⵏⴰ ⴰⵙ ⵉⵜⵜⵓⴼⴽⴰ ⵓⴼⵔⵉⵙ ⵏ “ⵡⵓⴷⵎ ⴰⵎⵓⴼⴰⵢ” ⴳ ⵓⵙⵎⵉⵍ ⵏ “ⵜⵏⵏⵓⴱⴹⴰ ⵜⴰⵎⵓⵟⵟⵓⵏⵜ ⵉ ⵜⴳⵎⵉ ⵜⴰⵙⵓⵍⴰⵏⵜ”, ⵎⴰⵢⴰⴷ ⵣⴳ ⵜⵏⵉⵍⴰ ⵏ ⵓⵏⵎⵀⴰⵍ ⴰⵎⴰⵜⴰⵢ ⵏ ⵡⴰⵎⵎⴰⵙ ⴰⴼⵔⵉⵇⵉ ⵏ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⵙⵙⵓⴳⵓⵔ ⵉ ⵜⴳⵎⵉ (CAFRAD), ⵎⴰⵙⵙ ⴽⵓⴼⵉ ⴷⵢⵓ ⴷⵓⵏⵉ ⴰⵙⵓⴼⵉ.

     
     
    A+ A-

    Subscribe to our newsletter

    MTNRA © All rights reserved 2026 realization FORNET