ⴰⵎⴰⵡⴰⵙ
  • ⴰⵎⴰⵡⴰⵙ
    • ⵜⵉⵡⵓⵔⵉⵡⵉⵏ ⵏⵏⵖ
  • ⵜⵉⵡⵓⵔⵉⵡⵉⵏ ⵏⵏⵖ
    • ⵜⵉⵏⴰⴼⵓⵜⵉⵏ ⵏⵏⵖ
  • ⵜⵉⵏⴰⴼⵓⵜⵉⵏ ⵏⵏⵖ
    • ministre showcase

    ⵜⵓⵎⵥ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⵜⴰⵙⵎⵖⵓⵔⵜ ⵏ ⵜⴰⵜⵜⵓⵢⵜ ⵜⴰⴼⵔⵉⵇⵉⵢⵜ “ⵜⵉⵖⵉⵙⵜ ⵜⴰⵙⵎⴳⵓⵔⵜ, ⴰⴱⴰⴹ ⴰⵎⵓⵟⵟⵓⵏ ⴷ ⵉⵙⵍⵍⵡⵉ ⴰⴳⴷⵓⴷⴰⵏ”, ⵎⴰ ⴰⴷ ⴳ ⵓⵙⴰⵜⵉ ⵏ ⵉⵎⵓⵙⵙⵓⵜⵏ ⵏ Africa Next Awards

    • Accueil
    • ⵜⵓⵎⵥ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳ ...
    date icon

    ⵜⵓⵎⵥ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴰⵙⵙ ⵏ ⵓⴽⵡⴰⵙ ⴳ ⴱⴰⵔⵉⵣ, ⵜⴰⵙⵎⵖⵓⵔⵜ ⵏ ⵜⴰⵜⵜⵓⵢⵜ ⵜⴰⴼⵔⵉⵇⵉⵢⵜ “ⵜⵉⵖⵉⵙⵜ ⵜⴰⵙⵎⴳⵓⵔⵜ, ⴰⴱⴰⴹ ⴰⵎⵓⵟⵟⵓⵏ ⴷ ⵉⵙⵍⵍⵡⵉ ⴰⴳⴷⵓⴷⴰⵏ”, ⵎⴰ ⴰⴷ ⴳ ⵓⵙⴰⵜⵉ ⵏ ⵉⵎⵓⵙⵙⵓⵜⵏ ⵏ Africa Next Awards 2026.


    ⵜⴳⴰ ⵜⵙⵎⵖⵓⵔⵜ ⴰⴷ ⵢⴰⵏ ⵓⵙⵓⵜⴳ ⵏ ⵓⴱⵔⵉⴷ ⴷ ⵜⵣⵎⵎⴰⵔ ⵏⵏⵙ ⴳ ⵢⵉⴳⵔ ⵏ ⵓⵙⵏⴼⵍ ⴰⵎⵓⵟⵟⵓⵏ, ⴷ ⵓⵙⵜⵔⴰⵔ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ ⴷ ⵓⵙⴱⵓⵖⵍⵓ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵓⵍⴰ ⴰⵙⴷⵓⵙ ⵏ ⵡⴰⴱⴰⴹ ⴰⵎⵓⵟⵟⵓⵏ ⵏ ⵜⴳⵍⴷⵉⵜ.


    ⵜⵓⴷⴼ ⵜⵙⵎⵖⵓⵔⵜ ⴰⴷ ⴳ  ⵓⵙⴰⵜⵉ ⵉⵅⴰⵜⵔⵏ ⵏ ⵉⵙⴳⴳⴷⵏ ⵏⵏⴰ ⵉⵙⴽⴰⵔ ⵍⵎⵖⵔⵉⴱ, ⴷ ⵡⵉⵍⵍⵉ ⵉⴱⴷⴷⴰⵏ ⵅⴼ ⵜⵉⵔⴰⵜ ⵉⴷⵓⵙⵏ ⵏ ⵓⵙⴷⵔⴼ ⵏ ⵓⵙⵏⴼⵍ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ. ⵜⴱⴷⴷⴰ ⵜⴰⵏⵏⴰⵢⵜ ⵏ ⵜⵎⴰⵡⴰⵙⵜ ⴳ ⵓⵙⴰⵜⵉ ⴰⴷ, ⵅⴼ ⵓⵙⵎⴰⴷ ⵉⵏⴳⵔ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⵎⴰⵙ ⴳⴰⵏ ⵜⴰⵎⵙⵙⵉⵍⵉⵜ ⵜⴰⵏⵙⵎⴰⴷⵜ ⵏ ⵓⵙⴱⵓⵖⵍⵓ ⵏ ⵓⵣⵓⵔⵜ ⴰⵎⵙⵙⵓⴳⵓⵔ, ⴷ ⵓⵙⵙⵉⵍⵉ ⵙ ⵜⵕⵡⵉ ⵏ ⵉⵊⵎⵉⵍⵏ ⵉⴳⴷⵓⴷⴰⵏⵏ, ⴷ ⵓⵙⴷⵓⵙ ⵏ ⵜⵕⵡⵉ ⵏ ⵜⵡⵓⵔⵉ ⵜⴰⵎⵙⵙⵓⴳⵓⵔⵜ ⴷ ⵓⵙⵓⴷⵙ ⵏ ⵏⵏⵙ ⵉⵏⵎⴰⵔⴰⵏ ⴷ ⵜⵎⵙⵙⵏⵜⵉⵜ.


    ⵜⴱⴷⴷⴰ ⵜⵎⵢⴰⴷⴰⵙⵜ ⴰⴷ ⵅⴼ ⵎⴰⵙ ⵉⵣⵔⵉ ⵓⵙⵜⵔⴰⵔ ⵏ ⵜⵎⵙⵙⵓⴳⵓⵔⵜ ⵜⴰⵙⵎⵓⵟⵟⵓⵏⵜ ⵏ ⵉⵊⵎⵉⵍⵏ, ⵃⵎⴰ ⴰⴷ ⵉⵍⴽⵎ ⴰⵡⴷ ⴰⵍⴰⵙ ⵏ ⵓⵕⴰⵄⴰ ⴳ ⵉⴱⵔⵉⴷⵏ ⵏ ⵉⵏⵙⵎⵔⴰⵙⵏ, ⴷ ⵓⵙⵀⵡⵏ ⵏ ⵉⵍⵓⴳⵏⵏ, ⴷ ⵓⵙⴷⵔⵙ ⵏ ⵉⵏⵎⵔⴰⵏ ⵉⵎⵙⵙⵓⴳⴰⵔ ⵓⵍⴰ ⴰⵙⴱⵓⵖⵍⵓ ⵏ ⵜⴱⵔⵉⴷⵉⵏ ⵏ ⵜⵏⵏⵓⴱⴹⴰ, ⴷ ⵓⵎⵢⴰⵙ ⴰⴽⴷ ⵓⵙⵖⴰⵏ ⵏ ⵜⵉⴽⵏⵓⵍⵓⵊⵉⵢⵉⵏ ⴷ ⵜⵎⵓⵛⴰ ⴷ ⵓⵙⴷⵓⵙ ⵏ ⵓⵙⵡⵓⵔⵉ ⵙ ⵡⵉⵍⵍⵉ ⵢⴰⴽⴽⴰⵏ ⴰⵚⵚⵕⵚⵓ ⵏ ⵜⵎⵙⵙⵓⴳⵓⵔⵜ ⵉⵕⵡⴰⵏ ⵓⴳⴰⵔ ⵜⵉⵍⵉ ⴳⵉⵙ ⵜⵙⵓⵙⵖⵜ ⴷ ⵡⴰⴷⴰⵙ ⵖⵔ ⵉⵏⵙⵎⵔⴰⵙⵏ.


    ⴳ ⵓⵙⴰⵜⵉ ⴰⴷ, ⵜⵙⵙⵏⵜⵉ ⵜⵎⴰⵡⴰⵙⵜ ⴳ ⵓⵙⵓⵊⴷ ⵏ ⵜⴽⴰⵕⴹⴰ ⵏ ⵓⴱⵔⵉⴷ ⵏ ⵓⵙⵏⴼⵍ ⴰⵎⵙⵙⵓⴳⵓⵔ ⵏ ⵜⵉⵣⵉ ⵏ 2026-2030, ⵉⵡⴰⵜⵜⵙⵏ ⴰⵚⵕⵚⵚⵓ ⵏ ⵓⵣⵓⵔⵜ ⴰⵎⵙⵙⵓⴳⵓⵔ ⴰⵜⵔⴰⵔ ⵉⵍⴳⴳⵯⴰⵖⵏ  ⵉⵥⴹⴰⵕⵏ ⴰⴷ ⵉⵣⵡⵓⵔ ⵉⵙⵏⴼⴰⵍ ⵉⴷⴷⵔⴼⵏ ⵍⵍⵉ ⵉⵥⵕⵕⴰ ⵡⴰⵎⵓⵏ ⴷ ⵜⴷⴰⵎⵙⴰ ⴷ ⵜⵉⴽⵏⵓⵍⵓⵊⵉⵢⵉⵏ ⴷ ⵜⵎⵓⵏⵉ ⵏⵏⵙⵏⵜ.


    ⵎⴽⴷⴰ ⵜⴳⴰ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵜⵉⴽⵏⵓⵍⵓⵊⵉⵢⵉⵏ ⵉⵜⵜⵅⵉⵜⵉⵔⵏ ⵢⴰⵏ ⵓⵙⴳⵓⵎ ⴰⴷⵙⵍⴰⵏ ⵏ ⵓⵙⵏⴼⵍ ⴰⴷ. ⴰⵔ ⵜⵜⴰⵡⵙ ⴳ ⵜⵙⵏⵜⴰⵢⵜ ⵏ “AI Made in Morocco” ⴷ ⵓⵚⵕⵚⵚⵓ ⵏ ⵉⵙⵉⵏⴰⴳⵏ ⵏ ⵊⴰⵥⴰⵕⵉ ⴳ ⵓⵥⵟⵟⴰ ⵏ ⵓⵏⴳⵔⴰⵡ ⵜⴰⵎⵓⵏⵜ ⵏ ⵉⵎⴳⴳⴰⵢⵏ ⵉⴳⴷⵓⴷⴰⵏⵏ ⴷ ⵜⵙⴷⴰⵡⵉⵢⵉⵏ ⴷ ⵉⵎⵔⵣⵓⵜⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵉⵙⴰⴷⵎⴰⵔⵏ ⵉ ⵡⴰⵙⵙⴰⵔⵏ ⵏ ⵜⴳⵍⴷⵉⵜ.
    ⴰⵔ ⵜⴱⴷⴷⴰⵏ ⵉⵎⴳⴳⵓⵎⵏ ⵙ ⵓⵎⵢⴰⵙ ⵖⵔ ⵜⴳⵎⵉ ⵏ ⵜⵙⵓⴳⴰⵔ ⵜⵉⵎⵓⵟⵟⵓⵏⵉⵏ, ⵙ ⵓⵡⵜⵜⴰⵙ ⵙ ⵢⵉⵡⴹ ⵏ 100 ⵏ ⵢⵉⴼⴹ ⵏ ⵜⵙⵓⴳⴰⵔ ⵜⵉⵎⵓⵟⵟⵓⵏⵉⵏ ⴷ ⵜⵥⴹⴰⵕⵉⵏ ⵏ ⵜⵙⵏⵎⴰⵍⴰⵢⵜ ⴷ ⵜⵙⵏⵎⴰⵍⴰⵢⵜ ⵜⴰⴽⵍⴰⵡⴷⵜ, ⴷ ⵡⴰⴱⴰⴹ ⴳ ⵜⵎⵓⵛⴰ.


    ⵎⴽⴷⴰ ⵉⵍⵍⴰ ⴳ ⵜⴷⵉⵏⴰⵎⵉⵢⵜ ⴰⴷ ⵓⴼⵔⵉⵙ ⴰⴼⵔⵉⵇⵉ, ⵙⴰⵍⴰⵡⴰⵏ ⴰⴽⴽⵯ ⴰⵙⴰⵏⵓⴹ ⵏ ⵍⵎⵖⵔⵉⴱ ⴰⵎⵓⵟⵟⵓⵏ ⵉ ⵜⴳⵎⵉ ⵜⴰⵙⵓⵍⴰⵏⵜ (D4SD), ⵏⵏⴰ ⵉⵕⵥⵎ ⵍⵎⵖⵔⵉⴱ ⵙ ⵜⴷⵔⴰⵡⵜ ⴰⴽⴷ ⵓⵖⴰⵡⴰⵙ ⴰⵏⴳⵎⵓ ⵏ ⵜⵎⵜⵜⴰ ⵉⵎⵓⵏⵏ, ⵙ ⵓⵡⵜⵜⴰⵙ ⵏ ⵜⵎⵓⵏⵉ ⴰⴽⴷ ⵓⵙⵏⴼⵍ ⴰⵎⵓⵟⵟⵓⵏ ⴷ ⵓⵙⴷⵓⵙ ⵏ ⵜⵥⴹⴰⵕⵉⵏ ⴳ ⵜⵎⵉⵣⴰⵔ ⵜⵉⴼⵔⵉⵇⵉⵢⵉⵏ ⴷ ⵜⴰⵄⵕⴰⴱⵉⵏ.

     
     
    A+ A-

    Subscribe to our newsletter

    MTNRA © All rights reserved 2026 realization FORNET