Ministre - Ministre déléguée

Biography

ⵉⵜⵜⵓⵙⵎⴰⵍ ⵎⴰⵙⵙ ⴰⵃⵎⴰⴷ ⵕⵃⵃⵓ, ⴳ 16 ⴽⵟⵓⴱⵕ 2026, ⵣⴳ ⵜⵏⵉⵍⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵏⵔⵓ ⵕⴱⴱⵉ, ⴷ ⴰⵎⴰⵡⵙⴰⵙ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵙⵏⴼⵍ ⴰⵎⵓⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ, ⴷⴼⴼⵉⵔ ⵏⵏⴰ ⵜ ⵉⵙⵎⴰⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ 22 ⵎⴰⵕⵚ 2021, ⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵣⵉⵣⵡⵔⵜ.

ⴷⴰⵜ ⵏ ⵎⴰⵢⴰⴷ, ⵉⴽⴽⴰ ⵉⴳⴰ ⴰⵎⵙⵇⴰⴷ, ⴰⵏⵙⵙⵉⵅⴼ ⵏ ⵓⴽⴰⴱⴰⵕ ⴰⴷⵉⴱⵍⵓⵎⴰⵙⵉ ⵏ ⵍⵎⵖⵔⵉⴱ ⵖⵔ ⵜⵎⵓⵏⵜ ⵏ ⵓⵕⵓⴱⴱⴰ, ⴷ ⵜⵙⵎⵍⴰ ⵏⵏⵙ ⵣⴳ ⵜⵏⵉⵍⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴳ ⴱⵕⴰⵢⵕ ⵏ 2019. ⵎⴽⴷⴰ ⵏⵏ ⵉⵡⴰⵍⴰ ⴷⴰⵜ ⵏ ⵎⴰⵢⴰⴷ ⵜⴰⵔⵙⵓⵜ ⵏ ⵓⵏⵙⵙⵉⵅⴼ ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵕⴹⴹⴰⵍ ⴰⴼⵔⴽⴰⵏ ⴷ ⵓⵎⴰⵍⵍⴰⵢ (CIH Bank), ⴷⵉⵏⵏⴰ ⴳ ⵜ ⵉⵙⵎⴰⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴳ ⴽⵟⵓⴱⵕ 2009.

ⴳ ⵓⵣⵎⵣ ⵏⵉⵜ ⵏ ⵜⵙⵎⵉⴳⵍⵜ ⴰⴷ, ⵉⵙⵡⵓⵔⵉ ⴳ ⵜⵏⴳⵎⴰⵎⵜ ⵏ ⵓⵙⵇⵇⵉⵎ ⴰⴷⴰⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⴹⴰⵏ ⵍⵍⵉ ⴳ ⵉⴳⴰ ⴰⵎⵓⵣⴰ, ⴷⴼⴼⵉⵔ ⵏ ⵜⵙⵎⵍⴰ ⵏⵏⵙ ⵣⴳ ⵜⵏⵉⵍⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴳ 2011.

ⵎⴽⴷⴰ ⵉⵡⴰⵍⴰ ⵉⵏⴳⵔ 2003 ⴷ 2009, ⵜⴰⵔⵙⵓⵜ ⵏ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵎⵙⵙⵓⵔⵜ ⵏ ⵍⵓⵙⵢⵓⵔ ⴷ ⴽⵕⵉⵚⵟⴰⵍ.

ⴷⴰⵜ ⵏ ⵎⴰⵢⴰⴷ, ⵉⵙⵎⴰⵏ ⵎⴰⵙⵙ ⴰⵃⵎⴰⴷ ⵕⵃⵃⵓ ⵜⵉⵔⵎⵉⵜ ⵜⴰⵣⵣⵓⵍⴰⵏⵜ ⴳ ⵢⵉⴳⵔ ⴰⴱⴰⵏⴽⵉ ⴳ ⵓⴱⴰⵏⴽ ⵏ ⵍⵎⵖⵔⵉⴱ, ⵉⴷⴷⵖ ⵉⵙⴽⵔ ⵢⵓⵎⵥ ⴽⵔⴰⵢⴳⴰⵜⵜ ⵜⵔⵙⵓⵜⵉⵏ, ⴰⵍⵍⵉⴳ ⵉⴳⴰ ⴰⵏⵎⵀⴰⵍ ⴰⵎⴰⵜⴰⵢ ⴰⵎⴰⵡⴰⵙ ⴷ ⵓⴳⵎⴰⵎ ⴳ ⵓⵙⵇⵇⵉⵎ ⴰⵏⵎⵀⴰⵍ ⵏ ⵍⴱⴰⵏⴽ ⴷⴰⵜ ⵏ ⵡⵓⴼⵓⵖ ⵏⵏⵙ ⵣⴳ ⴳⵉⵙ.

ⵎⴽⴷⴰ ⴷⴰⵔⵙ ⴰⵡⴷ ⵜⵉⵔⵎⵉⵜ ⵜⴰⵣⵣⵓⵍⴰⵏⵜ ⴳ ⵢⵉⴳⵔ ⵏ ⵓⵎⵛⴰⵡⴰⵕ ⴳ ⵓⵙⵏⵎⴰⵍⴰ ⴷ ⵜⵙⵜⵔⴰⵜⵉⵊⵉⵜ ⵖⵔ ⵓⵙⵉⵔⴰ ⴰⴼⵕⴰⵏⵚⵉⵚ ⵏ ⵉⵎⵛⴰⵡⴰⵕⵏ ⴳ ⵜⴰⵎⵔⴰⵡ ⵏ ⵜⵙⵓⵜ ⵉⵣⵔⵉⵏ, ⵉⵙⵙⵏⵜⴰ ⴰⴱⵔⵉⴷ ⵏⵏⵙ ⴰⵣⵣⵓⵍⴰⵏ ⵙ ⵉⵣⵔⵉⴳⵏ ⵉⴳⵍⴷⴰⵏⵏ ⵉⵎⵖⵔⵉⴱⵉⵢⵏ, ⵍⵍⵉⴳ ⵉⵙⵡⵓⵔⵉ ⴳ ⵜⵣⵓⵏⵉ ⵏ ⵜⵙⵏⵎⴰⵍⴰⵢⵜ, ⴹⴰⵕⵜ ⵏ ⵓⵙⵎⴰⴷ ⵏ ⵜⵖⵔⵉ ⵏⵏⵙ ⴳ ⴱⴰⵔⵉⵣ ⴳ ⵜⵉⵏⵎⵍ ⵏ ⵜⴰⴱⵓⵍⵉⵜⵉⴽⵉⴽⵜ ⴷ ⵜⵉⵏⵎⵍ ⵜⴰⵏⴰⵎⵓⵔⵜ ⵜⴰⵏⴰⴼⵍⵍⴰⵜ ⵏ ⵡⴰⵡⴰⴹⵏ.

ⵉⵙⵎⴰⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵏⵔⵓ ⵕⴱⴱⵉ, ⴰⵙⵙ ⵏ 16 ⴽⵟⵓⴱⵕ 2026, ⵎⴰⵙⵙⴰ ⵄⵉⵛⴰ ⴳⵍⵍⴰⵄ ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵖⵔ ⵓⵎⴰⵡⵙⴰⵙ ⵏ ⵜⵖⵉⵙⵜ ⵜⴰⵎⴳⵓⵔⵜ ⴷ ⵓⵙⵏⴼⵍ ⴰⵎⵓⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ, ⵉⵜⵜⵓⵙⵎⴰⴳⵍⵏ ⵙ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ. ⵜⵍⵍⴰ ⵖⵔ ⵜⵎⴰⵡⵙⴰⵙⵜ ⵜⴰⵎⴰⵢⵏⵓⵜ ⵜⵉⵔⵎⵉⵜ ⵜⴰⵣⵣⵓⵍⴰⵏⵜ ⴳ ⵢⵉⴳⵔ ⵓⵍⴳⵉⵏ, ⵓⵍⴰ ⴰⴷⵔⴰⵡ ⵏⵏⵙ ⴳ ⵜⵡⵓⵔⵉ ⵜⴰⵙⵔⵜⴰⵏⵜ ⴷ ⵜⴱⵕⵍⴰⵎⴰⵏⵉⵜ ⴷ ⵜⵎⵙⵎⵓⵏⵜ.

ⴰⵔ ⵜⵙⵙⴽⴰⵔ ⵎⴰⵙⵙⴰ ⵄⵉⵛⴰ ⴳⵍⵍⴰⵄ ⵜⴰⵣⵣⵓⵍⵜ ⵏ ⵜⵎⵙⵜⴰⵏⵜ ⴳ ⵓⴳⵔⴰⵡ ⵏ ⴹⴹⴰⵕ ⵍⴱⵉⴹⴰ ⵣⴳ 2004, ⵜⴳⴰ ⵜⴰⵎⵙⵜⴰⵏⵜ ⵖⵔ ⵉⵍⵍⴰ ⵓⵏⵄⴰⵕ ⴷⴰⵜ ⵏ ⵜⵙⵏⴱⴹⴰⵢⵜ ⵏ ⵜⵕⵓⵥⵉ ⵣⴳ 2019. ⵎⴽⴷⴰ ⵜⴳⴰ ⵜⴰⵔⵙⵓⵜ ⵏ ⵜⵎⵛⵛⵉⵡⵕⵜ ⵜⵓⵍⴳⵉⵏⵜ ⵖⵔ ⵓⴳⵔⴰⵡ ⵏ ⵓⵙⵓⵎⵓ ⴷ ⵓⵎⵙⴰⵙⴰ ⵉⵏⴳⵔ 2004 ⴷ 2005.

ⵜⵓⵎⵥ ⴰⵡⴷ ⴰⵙⵍⴽⵉⵏ ⵏ ⵍⵎⴰⵚⵟⵕ ⴳ ⵓⵏⵜⴰⵎ ⴷ ⵉⵎⵏⵣⴰⵖⵏ ⵓⵖⵔⵉⵎⵏ, ⴷ ⵜⵓⵔⴰⴳⵜ ⴳ ⵓⵙⵍⴳⵏ ⵓⵙⵍⵉⴳ ⴳ ⵜⵙⴷⴰⵡⵉⵜ ⵏ ⵎⵓⵄⵎⵎⴰⴷ ⵡⵉⵙ ⵙⵎⵎⵓⵙ ⴳ ⵕⵕⴱⴰⵟ.

ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ, ⵜⴳⴰ ⵎⴰⵙⵙⴰ ⵄⵉⵛⴰ ⴳⵍⵍⴰⵄ ⵜⴰⴳⵎⴰⵎⵜ ⴳ ⵓⵙⵇⵇⵉⵎ ⵏ ⵉⵎⴰⵔⴰⵏ ⵏⴳⵔ 2007 ⴷ 2011, ⵍⵍⵉ ⴳ ⵜⴳⴰ ⴰⴳⵎⴰⵎ ⴳ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⵣⴳ 2007 ⴰⵔ 2010, ⴷ ⴳ ⵜⵙⵇⵇⵉⵎⵜ ⵏ ⵜⴳⵯⵏⵙⴰⵏⵜ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ ⴷ ⵉⵙⴽⴽⵉⵏⵏ ⵉⵎⵙⵙⵓⴳⵓⵔⵏ ⵣⴳ 2010 ⴰⵔ 2011.

ⵜⵙⵡⵓⵔⵉ ⴰⵡⴷ ⵎⴰⵙⵙⴰ ⵄⵉⵛⴰ ⴳⵍⵍⴰⵄ ⵜⴰⵏⴳⵎⴰⵎⵜ ⵏ ⵓⵙⵉⵔⴰ ⴰⵙⵔⵜⴰⵏ ⵏ ⵓⵎⵓⵍⵍⵉ ⵏ ⵜⵎⵓⵏⵉ ⵜⴰⵙⵔⵎⵓⵏⵜ ⵏ ⵜⴰⴳⴳⴰⵍⵉⵏ ⵜⵉⵎⴰⴷⴰⵏⵉⵏ ⵣⴳ 2025.

ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵡⵓⵔⵉ ⵜⴰⵎⵙⵎⵓⵏⵜ, ⴰⵔ ⵜⴻⵜⵜⵡⴰⵍⴰ ⴰⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵉⵣⵔⴼⴰⵏ ⵏ ⵡⵓⵏⴳⵉⵙⵏ. ⵎⴽⴽⴷⴰ ⵜⴷⵔⴰ ⴳ ⵜⵙⵏⵜⴰⵢⵉⵏ ⵏ ⵉⵙⵎⵓⵜⵜⴳ ⵉⵥⵍⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵙⴱⴷⴷⵉ ⵏ ⵓⵣⵡⴰⴳ ⵏ ⵉⵡⴷⴰⵏ, ⵙ ⵓⵎⵢⴰⵡⴰⵙ ⴰⴽⴷ ⴽⵔⴰⵢⴳⴰⵜⵜ ⵜⵎⵔⵙⴰⵍ ⴷ ⵜⵎⴰⴷⴷⴰⵙⵉⵏ.

ⵎⴰⵙⵙⴰ ⵄⵉⵛⴰ ⴳⵍⵍⴰⵄ ⵜⴳⴰ ⴰⵡⴷ ⵜⴰⴳⵎⴰⵎⵜ ⵉ ⵓⵙⵍⴳⵏ ⴰⵎⵖⵔⵉⴱⵉ ⵏ ⵜⵡⵊⴰ ⵉⴱⴷⴷⴰⵏ ⵡⴼ ⵉⵙⴽⵉⵍ, ⵎⴽⴷⴰ ⵢⴰⴷ ⵜⴽⴽⴰ ⵜⴷⵔⴰ ⴳ ⵜⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵏ ⵜⴱⴹⵉ ⵏ ⵜⵎⵔⵙⵍⵜ ⵜⴰⴷⵉⴱⵍⵓⵎⴰⵙⵉⵜ.

ⵎⴰⵙⵙⴰ ⵄⵉⵛⴰ ⴳⵍⵍⴰⵄ ⵜⴳⴰ ⵎⵎⴰ ⵉ ⵜⵔⴱⴰⵜ ⵉⵎⵥⵥⵉⵢⵏ.

Past Ministers

Mme Amal El Fallah Seghrouchni

Ministre - Ministre déléguée

Biography

Past Ministers

Subscribe to our newsletter